صدر مملکت، فریال تالپور اور دیگر کیخلاف جعلی بینک اکاؤنٹ کیس کی سماعت ملتوی

عبدالحسیب خان

29th May, 2024. 12:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر مملکت، فریال تالپور اور دیگر کیخلاف جعلی بینک اکاؤنٹ کیس کی سماعت ملتوی

صدر مملکت آصف زرداری، فریال تالپور اور دیگر کے خلاف جعلی بینک اکاؤنٹ کیس کی سماعت ملتوی ہوگئی۔

تفصیلات کے مطابق کراچی کی بینکنگ کورٹ میں صدر پاکستان آصف علی زرداری کے خلاف مقدمہ داخل دفتر کردیا گیا۔

فاروق ایچ نائیک ایڈووکیٹ نے عدالت میں کہا کہ آصف علی زرداری کو بطور صدر پاکستان آئینی استثنیٰ حاصل ہے۔

بینکنگ کورٹ نے اپنے ریمارکس میں کہا کہ جب تک وہ صدر پاکستان ہیں ان کے خلاف مقدمے کی سماعت نہیں ہوگی۔

دوسری جانب فریال تالپور بھی عدالت میں پیش نہیں ہوئیں۔ ان کے وکیل کی جانب سے حاضری سے استثنیٰ کی درخواست دائر کی گئی۔

درخواست میں موقف اپنایا گیا کہ فریال تالپور اسمبلی کے اجلاس کے باعث مصروف ہیں ، انہیں حاضری سے استثنیٰ دیا جائے۔

عدالت نے حاضری سے استثنٰی کی درخواست منظور کرتے ہوئے سماعت 9 جولائی تک ملتوی کردی گئی۔