Advertisement
Advertisement
Advertisement
Advertisement

وزیر اعظم کا آئندہ بجٹ میں شہری سندھ کی عوام کو ریلیف دینے کا وعدہ

Now Reading:

وزیر اعظم کا آئندہ بجٹ میں شہری سندھ کی عوام کو ریلیف دینے کا وعدہ
وزیر اعظم کا آئندہ بجٹ میں شہری سندھ کی عوام کو ریلیف دینے کا وعدہ

وزیر اعظم کا آئندہ بجٹ میں شہری سندھ کی عوام کو ریلیف دینے کا وعدہ

وزیر اعظم شہباز شریف نے ایم کیو ایم پاکستان وفد سے ملاقات میں شہری سندھ کی عوام کو آئندہ بجٹ میں ریلیف دینے کا وعدہ کردیا۔

ترجمان ایم کیو ایم پاکستان کے مطابق چیئرمین ڈاکٹر خالد مقبول صدیقی کی قیادت میں ایم کیو ایم وفد نے وزیراعظم شہباز شریف سے ملاقات کی۔ وفد میں سید مصطفیٰ کمال، ڈاکٹر فاروق ستار، سید امین الحق، جاوید حنیف اور حفیظ الدین شامل تھے۔

ترجمان ایم کیو ایم کا کہنا ہے کہ ملاقات میں ڈپٹی وزیراعظم اسحاق ڈار، رانا ثناء، اعظم تارڑ، احد چیمہ اور ڈپٹی چیئرمین پلاننگ اینڈ ڈویلپمنٹ شریک تھے۔

ترجمان نے بتایا کہ ایم کیو ایم نے ملاقات میں کراچی اور حیدرآباد سمیت سندھ کے دیگر شہروں کے نوجوان کی بیروزگاری کے مسئلہ کو اُٹھایا۔

ایم کیو ایم نے مطالبہ کیا کہ سندھ کی شہری و صوبائی حکومتیں شہری سندھ کے نوجوانوں کو کوٹے پر بھی روزگار فراہم نہیں کرتی، وفاق مداوا کرے۔ شہری سندھ کے عوام مہنگائی اور بجلی و گیس کی لوڈشیڈنگ اور بھاری بلوں سے شدید پریشان ہیں، وفاق اس کا حل نکالے۔

Advertisement

ترجمان ایم کیو ایم کا کہنا تھا کہ وزیر اعظم نے شہری سندھ کے نوجوانوں کو وفاق میں میرٹ پر نوکریاں دینے اور خوشحال نوجوان پروگرام کے تحت کاروبار کیلئے قرض دینے کی یقین دہانی کروائی ہے۔

ترجمان کے مطابق وزیراعظم نے یقین دہانی کروائی ہے کہ وفاقی حکومت اخوت فاؤنڈیشن کے اشتراک سے شہری سندھ کے شہریوں کو سولر پینل کیلئے بھی بغیر سود قرض فراہم کرے گی۔

علاوہ ازیں وزیراعظم شہباز شریف نے ایم کیو ایم وفد سے شہری سندھ کے عوام کو نئے آنے والے بجٹ میں بڑا ریلیف دینے کا وعدہ کیا ہے جب کہ ایم کیو ایم نے کے فور منصوبے کی جلد تکمیل اور کراچی و حیدرآباد سمیت سندھ کے دیگر شہروں میں نئے ترقیاتی منصوبوں کا مطالبہ کیا ہے۔

ترجمان نے کہا کہ ایم کیو ایم نے کراچی کیلئے پانچ سالہ سوشو اکنامیکل اینڈ کلچرل ڈویلپمنٹ پلان بھی مانگ لیا ہے جب کہ وزیر اعظم نے ایم کیو ایم وفد کو کراچی میں یو اے ای حکومت کی ڈیسیلیشن پلانٹ میں سرمایہ کاری سے آگاہ کیا۔

ترجمان ایم کیو ایم نے مزید بتایا کہ وزیراعظم نے یہ بھی یقین دہانی کروائی ہے کہ وفاق شہری سندھ کے مسائل حل کرنے میں سنجیدہ ہے، جلد بجلی و گیس کی لوڈشیڈنگ کے مسائل میں بھی کمی آئے گی۔

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
صدر مملکت آصف زرداری کا دورہ سکھر، انتظامات مکمل
وزیراعظم کی سانحہ پریٹ آباد کے متاثرین کی مالی مدد کی ہدایت
کراچی میں شدید گرمی کے دوران طویل لوڈ شیڈنگ؛ شہری سڑکوں پر آگئے
مون سون کی ممکنہ برساتوں کے حوالے سے این ڈی ایم اے کا الرٹ جاری
وزیر اعظم کا پمز اسپتال کے دورے کا امکان
سیاحتی مقام مری منفرد اہمیت کا حامل ہے، گورنر سندھ
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر