یوکرین کے حکام نے دعویٰ کیا ہے کہ روسی افواج نے آج خارکیف کی سپر مارکیٹ پر حملہ کیا ہے جس میں 2 افراد ہلاک ہو گئے ہیں۔

غیر ملکی خبر رساں ادارے کے مطابق یوکرین کے شمالی شہر خرکیف میں روسی فورسز نے ایک سپر مارکیٹ کو نشانہ بنایا جس کے نتیجے میں کم از کم دو افراد ہلاک ہو گئے۔

سوشل میڈیا پر شیئر کی جانے والی ویڈیوز میں شہر کے شمالی مضافات میں واقع ایپی کنٹر کے ہوم امپروومنٹ اسٹور میں آگ بھڑکتی دکھائی دے رہی ہے۔

یوکرین کے صدر ولادیمیر زیلنسکی نے کہا ہے کہ حملے کے وقت 200 سے زائد افراد سپر مارکیٹ کے اندر موجود تھے۔

خارکیف کے میئر ایہور تیریخوف نے ٹیلی گرام پر لکھا کہ بڑی تعداد میں لوگ لاپتہ ہیں اور بہت سے زخمی ہیں۔

یوکرینی صدر ولادیمیر زیلنسکی نے مزید کہا کہ یہ خالص دہشت گردی ہے خارکیف پر حملہ روسی پاگل پن کا ایک اور مظہر ہے۔

صرف روسی صدر ولادیمیر پیوٹن جیسے پاگل لوگ ہی اس طرح لوگوں کو قتل اور دہشت زدہ کرنے کی صلاحیت رکھتے ہیں۔

انہوں نے مزید کہا کہ یوکرین کو اس طرح کے حملوں سے بچانے کے لئے اپنے اتحادیوں سے جدید فضائی دفاعی نظام کی ضرورت ہے۔