Advertisement
Advertisement
Advertisement
Advertisement

ٹی 20 ورلڈ کپ، پاکستان نے بمشکل آئرلینڈ کو 3 وکٹوں سے شکست دے دی

Now Reading:

ٹی 20 ورلڈ کپ، پاکستان نے بمشکل آئرلینڈ کو 3 وکٹوں سے شکست دے دی

ٹی 20 ورلڈ کپ کے 36 ویں میچ میں پاکستان نے بمشکل 3 وکٹوں سے شکست دے کر ورلڈ کپ میں اپنے سفر کا اختتام کیا۔

آئرلینڈ کا 106 رنز کا آسان ہدف بھی گرین شرٹس کے لیے پہاڑ بن گیا، پاکستان نے مطلوبہ ہدف 18.5 اوورز میں 7 وکٹوں کے نقصان پر حاصل کیا۔

ہدف کے تعاقب میں پاکستان کے محمد رضوان اور صائم ایوب 17،17 رنز بنا کر آؤٹ ہوئے، کپتان بابر اعظم نے 32 رنز کی ناقابل شکست اننگز کھیلی۔

فخر زمان 5، محمد عثمان 2، شاداب خان صفر اور عماد وسیم نے 4 رنز بنائے، عباس آفریدی نے 17 اور شاہین شاہ آفریدی نے 13 رنز بنائے۔

آئر لینڈ کی جانب سے بیری نے 3، کیمفر نے 2، مارک ایڈیر اور بین وائٹ نے 1،1 کھلاڑی کو آؤٹ کیا۔

Advertisement

اس سے قبل پاکستان نے ٹاس جیت کر آئرلینڈ کو پہلے بیٹنگ کی دعوت دی، آئرلینڈ نے مقررہ 20 اوورز میں 9 وکٹوں کے نقصان پر 106 رنز بنائے۔

آئرلینڈ کو ابتدا میں ہی نقصان اٹھانا پڑا جب صرف 32 رنز پر 6 کھلاڑی پویلین واپس لوٹ گئے، اینڈی صفر، کپتان پال اسٹرلنگ 1 ، لوکین ٹکر 2، ہیری ٹیکٹر صفر پر آؤٹ ہوئے۔

آئر لینڈ کی جانب سے گیرتھ سب سے نمایاں بیٹر تھے جنہوں نے 31 رنز بنائے، مارک 15 اور جارج نے 11 رنز بنائے۔

شاہین شاہ آفریدی اور عماد وسیم نے 3،3  کھلاڑیوں کو آؤٹ کیا، جبکہ عامر نے 2 اور حارث نے ایک وکٹ حاصل کی۔

ٹاس کے موقع پر قومی کرکٹ ٹیم کے کپتان بابر اعظم نے کہا کہ پچھلے3 دن سے اس پچ کو ڈھکا ہوا تھا۔ پاکستان ٹیم میں ایک تبدیلی کی گئی ہے۔

بابر اعظم نے مزید کہا کہ نسیم شاہ کی جگہ عباس آفریدی کو شامل کیا گیا ہے، ہمیں آج کا میچ جیتنےکی ضرورت ہے، کوشش کریں گے کہ اپنی بہترین کرکٹ کھیلیں۔

Advertisement

آئرش ٹیم کے کپتان پال اسٹرلنگ کا کہنا تھا کہ ٹیم میں کریگ ینگ کی جگہ بین وائٹ کو شامل کیا گیا، کوشش کریں گے کہ غلطیاں نہ دہرائیں، ہم بھی ٹاس جیت کر فیلڈنگ کا فیصلہ کرتے۔

واضح رہے کہ گروپ سے تعلق رکھنے والی آئرلینڈ اور پاکستان ورلڈ کپ کے اگلے مرحلے کے لیے کوالیفائی نہیں کر سکی ہیں دونوں ٹیموں کا ایونٹ میں یہ آخری میچ ہے جس کے بعد یہ دونوں ٹیمیں اپنے ملک روانہ ہو جائیں گی۔

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
ویمنز ایشیاء کپ: پاکستان نے سیمی فائنل میں رسائی حاصل کرلی
چیمپئنز ٹرافی 2025: افغان ٹیم پاکستان آئے گی یا نہیں، بورڈ نے فیصلہ سنادیا
آئی سی سی نے چیمپئنز ٹرافی 2025 کے بجٹ کی منظوری دے دی
پاکستان شاہینز نے بنگلہ دیش اے کو شکست دے دی
ویمنز ایشیاء کپ: پاکستان نے نیپال کو شکست دے دی
انگلینڈ نے دوسرے ٹیسٹ میں ویسٹ انڈیز کو 241 رنز سے ہرا دیا
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر