حافظ محمود اشرفی نے کہا ہے کہ تمام علما انتہا پسندی، دہشت گردانہ سوچ کومسترد کرتے ہیں، تمام غیرمسلم شہریوں کواپنےمذہب پرعمل کرنےکا پوراحق ہے۔

لاہور میں میڈیا سے گفتگو کرتے ہوئے چیئرمین پاکستان علما کونسل حافظ طاہرمحمود اشرفی نے کہا ہے کہ ہرسال محرم میں امن وامان کے لیے کرداراداکرتے ہیں، رواں سال بھی محرم میں رابطہ آفس قائم کرنا کا فیصلہ کیا ہے، یکم محرم کوملک بھرمیں یوم سیدنا صدیق اکبرؓمنایا جائے گا۔

حافظ طاہراشرفی نے کہا کہ پاکستان علماکونسل کےتحت ملک بھرمیں کانفرنسزہوں گی، علمائےکرام نےامن کے لیے ہمیشہ اپنا کردار ادا کیا ہے، پیغام پاکستان کی صورت میں ضابطہ اخلاق موجود ہے، فرقہ وارانہ منافرت شریعت کےاحکامات کی خلاف وزی ہے۔

حافظ طاہراشرفی نے کہا کہ تمام مکاتب فکرکےعلما، ذاکرین ضابطہ اخلاق کی پابندی کریں گے، فسادفی الارض قومی اورملی جرم ہے، تمام علما انتہا پسندی، دہشت گردانہ سوچ کومسترد کرتے ہیں، علما کا فریضہ ہے درست اورغلط سے متعلق لوگوں کوآگاہی دیں۔

انھوں نے کہا کہ آئین پاکستان میں اقلیتوں کومکمل تحفظ حاصل ہے، خواتین کی تعلیم کےخلاف پروپیگنڈےکومسترد کرتےہیں، تمام غیرمسلم شہریوں کواپنےمذہب پرعمل کرنےکا پوراحق ہے، تمام غیرمسلم شہریوں کو اپنے مذہب پرعمل کرنےکا پوراحق ہے، کوئی فرد، گروہ، جماعت غیرمسلم شہریوں کاحق سلب نہیں کرسکی۔

حافظ طاہراشرفی نے کہا کہ اقلیتوں کوحقوق حاصل نہ ہونےکاپروپیگنڈاکیاجاتاہے، دوسروں کےنظریات پرتنقید نہ کی جائیں، ہماراپ ہلے دن سے مطالبہ ہے قومی ایکشن پلان پرعمل کیا جائے۔