کوئٹہ؛ یوسی سنجدی کی کوئلہ کان میں دم گھٹنے سے11 افراد جاں بحق (فائل فوٹو)
کوئٹہ میں یوسی سنجدی کی کوئلہ کان میں دم گھٹنے سے 11 افراد جاں بحق ہوگئے۔
تفصیلات کے مطابق چیف مائنزانسپکٹرکا کہنا ہے کہ جاں بحق افراد میں 9 مزدور، ٹھیکیداراور مائن منیجرشامل ہے۔ نمازجنازہ کے بعد میتوں کو ان کے آبائی علاقے روانہ کیا جائیگا۔
چیف مائنزانسپکٹرعبدالغنی بلوچ کا کہنا ہے کہ حادثہ گیس لیکج کے بعد دم گھٹنے کے باعث پیش آیا، تمام جاں بحق افراد کا تعلق سوات سے ہے۔
یوسی سنجدی کوئٹہ شہر سے 40 کلو میٹر دور ہے۔
وزیراعلیٰ سندھ نے کوئلہ کان میں 11 مزدوروں کی اموات پراظہارافسوس کیا ہے اورجاں بحق مزدوروں کے لواحقین سےاظہارتعزیت کرتے ہوئے مرادعلی شاہ نے اپنے بیان میں ان کی مغفرت اورپسماندگان کیلئے صبرجمیل کی دعا کی۔
مراد علی شاہ نے اپنے بیان میں کہا کہ سندھ حکومت متاثرہ خاندانوں کےغم میں برابرکی شریک ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
