Advertisement
Advertisement
Advertisement
Advertisement

ٹی ٹوئنٹی ورلڈکپ میں پاکستان کی پہلی فتح، کینیڈا کو 7 وکٹوں سے شکست

Now Reading:

ٹی ٹوئنٹی ورلڈکپ میں پاکستان کی پہلی فتح، کینیڈا کو 7 وکٹوں سے شکست

ٹی ٹوئنٹی ورلڈکپ میں آخرکار پاکستان نے فتح کا مزہ چکھ لیا، قومی ٹیم نے کینیڈا کو 7 وکٹوں سے شکست دی۔ 

نیویارک کے ناساؤ کاؤنٹی انٹرنیشنل کرکٹ اسٹیڈیم میں کھیلے جارہے میچ میں کینیڈا پہلے بیٹنگ کرتے ہوئے پاکستانی بولرز کی نبی تلی بولنگ کے باعث مقررہ 20 اوورز میں 7 وکٹ کے نقصان پر صرف 106 رنز بناسکی۔ پاکستان نے مطلوبہ ہدف 17.3 اوورز میں 3 وکٹ کے نقصان پر پورا کیا۔

قومی ٹیم کی جانب سے صائم ایوب اور محمد رضوان نے اننگز کا آغاز کیا، صائم 6 رنز بنانے کے بعد آؤٹ ہوئے، بابراعظم اور محمد رضوان نے 63 رنز کی اہم شراکت قائم کی۔

بابراعظم نے ایک بار پھر وہی غلطی دہرائی، بھارت کے خلاف میچ کی طرح اس بار بھی انہوں نے لیٹ کٹ مارنے کی کوشش کی اور وکٹ کے پیچھے کیچ دے بیٹھے، بابر 33 رنز بناکر آؤٹ ہوئے۔ محمد رضوان آخر تک وکٹ پر موجود رہے اور وہ 53 رنز پر ناقابل شکست رہے۔

کینیڈا کی جانب سے ڈیلن ہیلیگر نے 2 وکٹیں حاصل کیں اور ایک وکٹ جیریمی گورڈن کے حصے میں آئی۔

Advertisement

اس سے قبل پاکستانی ٹیم کے کپتان بابراعظم نے ٹاس جیت کر پہلے کینیڈا کو بیٹنگ کی دعوت دی۔

کینیڈا کی جانب سے ایرون جانسن اور نونیت دھالیوال نے اننگز کا آغاز کیا تاہم دھالیوال تیسرے ہی اوور میں 4 رنز بناکر محمد عامر کا شکار بن گئے۔

کینیڈا کی جانب سے ایرون جانسن نمایاں بلے باز رہے، جنہوں نے جارحانہ اننگز کھیلتے ہوئے نصف سنچری بنائی، وہ 44 گیندوں پر 52 رنز بناکر آؤٹ ہوئے، جس میں 4 چھکے اور 4 چوکے شامل تھے۔

دیگر کھلاڑیوں میں پرگت سنگھ 2، نکولاس کرٹن ایک، شریئس موا 2، رویندر پال سنگھ صفر، کپتان سعد بن ظفر 10 رنز بناکر آؤٹ ہوئے، جب کہ کلیم ثنا 13 رنز پر ناٹ آؤٹ رہے۔

قومی ٹیم کی جانب سے محمد عامر اور حارث رؤف نے 2،2 وکٹیں حاصل کیں، جب کہ شاہین آفریدی اور نسیم شاہ کے حصے میں ایک ایک وکٹ آئی۔

قومی ٹیم:

Advertisement

صائم ایوب، محمد رضوان، بابراعظم (کپتان)، فخرزمان، عثمان خان، شاداب خان، عماد وسیم، شاہین شاہ آفریدی، نسیم شاہ، حارث رؤف، محمد عامر

کینیڈا ٹیم: 

ایرون جانسن، نونیت دھالیوال، پرگت سنگھ، نکولاس کرٹن، شریئس موا، رویندر پال سنگھ، سعد بن ظفر (کپتان)، ڈیلن ہیلیگر، کلیم ثنا، جنید صدیقی، جیریمی گورڈن

واضح رہے کہ پاکستان کو ٹی ٹوئنٹی ورلڈکپ کے ابتدائی دونوں میچوں میں شکست ہوئی تھی۔

 

Advertisement
Advertisement

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
ویمنز ایشیاء کپ: پاکستان نے سیمی فائنل میں رسائی حاصل کرلی
چیمپئنز ٹرافی 2025: افغان ٹیم پاکستان آئے گی یا نہیں، بورڈ نے فیصلہ سنادیا
آئی سی سی نے چیمپئنز ٹرافی 2025 کے بجٹ کی منظوری دے دی
پاکستان شاہینز نے بنگلہ دیش اے کو شکست دے دی
ویمنز ایشیاء کپ: پاکستان نے نیپال کو شکست دے دی
انگلینڈ نے دوسرے ٹیسٹ میں ویسٹ انڈیز کو 241 رنز سے ہرا دیا
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر