جو بائیڈن کا صدارتی الیکشن کی دوڑ سے دستبردار ہونے سے پھر انکار

ویب ڈیسک

12th Jul, 2024. 11:05 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جو بائیڈن کا صدارتی الیکشن کی دوڑ سے دستبردار ہونے سے پھر انکار

امریکی صدر جو بائیڈن نے صدارتی الیکشن کی دوڑ سے دستبردار ہونے سے پھر انکار کردیا۔

صدارتی مباحثے کے بعد پہلی پریس کانفرنس میں امریکی صدر جو بائیڈن نے کہا کہ میں صدارتی الیکشن لڑنے کا سب سے زیادہ اہل ہوں، میں نے پہلے بھی ٹرمپ کو ہرایا تھا، اب بھی ہراؤں گا۔

جو بائیڈن نے کہا کہ کاملا ہیرس صدر بننے کی اہل ہیں اسی لیے انہیں اپنا نائب صدر بنایا تھا۔

ان کا کہنا تھا کہ ٹرمپ کا جیتنا دنیا کے لیے تباہی ہوگا، ٹرمپ کی خارجہ پالیسی نہیں،یورپ اس کےبیانات سے پریشان ہے۔خارجہ پالیسی پر کبھی بھی ٹرمپ کا مضبوط نقطہ نہیں رہا۔

امریکی صدر نے کہا کہ اگر میں دوبارہ منتخب ہوا تو حالات بہت بہتر ہونے والے ہیں۔یورپی اتحاد کی مضبوطی یقینی بنانے کے لیے میرا جیتنا ضروری ہے۔

جو بائیڈن نے کہا کہ روسی صدر سمیت سب سے بات کرنے کو تیار ہوں۔

انہوں نے مزید کہا کہ غزہ میں جنگ ختم ہورہی ہے۔امریکہ غزہ میں جنگ بندی کی کوشش کررہاہے۔