پیرس اولمپک گیمز میں شرکت کرنے والے آسٹریلوی دستے میں شامل 5 ایتھلیٹس میں کورونا وائرس کی تصدیق ہو گئی ہے۔

آسٹریلیا کی اولمپک ٹیم کی سربراہ اینا میریس نے کہا ہے کہ پیرس اولمپکس سے قبل آسٹریلیا کی پانچ خواتین واٹر پولو کھلاڑیوں کا کورونا ٹیسٹ مثبت آیا ہے۔

میرس نے مزید کہا کہ یہ معاملات واٹر پولو ٹیم تک محدود تھے۔

سربراہ اینا میریس  نے کہا کہ کورونا کا شکار ایتھلیٹس کو آئسولیٹ کر دیا گیا ہے جبکہ دیگر ایتھلیٹس کو بھی محتاط رہنے اور ماسک پہننے کی ہدایات جاری کر دی گئی ہیں۔

کورونا وائرس کی وجہ سے ایک سال کے لیے ملتوی ہونے والے ٹوکیو اولمپکس 2020 کے بعد پیرس 2024 کو پہلی مرتبہ موسم گرما کے اولمپکس کا انعقاد کیا جائے گا۔