2080 میں دنیا کی آبادی 8 ارب سے بڑھ کر 10 ارب تک پہنچنے کا امکان ہے، اقوام متحدہ

ویب ڈیسک

12th Jul, 2024. 02:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

2080 میں دنیا کی آبادی 8 ارب سے بڑھ کر 10 ارب تک پہنچنے کا امکان ہے، اقوام متحدہ

اقوام متحدہ کا کہنا ہے کہ 2080 میں دنیا کی آبادی 8.2 بلین سے بڑھ کر 10.3 بلین تک پہنچنے کا امکان ہے۔

گزشتہ روز آبادی کے عالمی دن کے موقع پر اقوام متحدہ کی جانب سے دنیا کی بڑھتی ہوئی آبادی پر رپورٹ جاری کی گئی ۔

اقوام متحدہ کے پاپولیشن ڈویژن کے تخمینے کے مطابق 1950 میں مردم شماری کے وقت دنیا کی آبادی ڈھائی ارب تھی جس میں اب تین گنا اضافہ ہو چکا ہے۔

رپورٹ کے مطابق آئندہ آنے والی دہائیوں میں دنیا کی آبادی میں 2 ارب سے زیادہ افراد کا اضافہ متوقع ہے جبکہ دنیا میں لوگوں کی کل تعداد 2080 کی دہائی میں عروج پر ہو گی۔

دنیا کی آبادی 2080 کی دہائی میں 10.3 ارب کے قریب ہوگی اور پھر اپنے عروج پر پہنچنے کے بعد یہ آہستہ آہستہ کم ہونے لگے گی۔

رپورٹ تیار کرنے والے اقوام متحدہ کے پاپولیشن ڈویژن سربراہ جان ولموتھ کا کہنا ہے کہ موجودہ صدی میں دنیا کی آبادی کے عروج پر پہنچنے کا امکان تقریباً 80 فیصد زیادہ ہے۔