امریکی سفیر کا بزنس گروپس کی طرف سے پاکستان میں انویسٹمنٹ میں دلچسپی کا اظہار

عمر حیات خان

19th Jul, 2024. 04:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

امریکی سفیر کا بزنس گروپس کی طرف سے پاکستان میں انویسٹمنٹ میں دلچسپی کا اظہار
پاکستان غزہ جنگ بندی معاہدے پر عمل درآمد کیلئے واضح موقف پیش کرے گا، دفترخارجہ
مشرف علی زیدی عالمی میڈیا کےلئے ترجمان وزیراعظم مقرر، عطا اللہ تارڑ کی تصدیق ، نو ٹیفکیشن جاری
پنجاب اسمبلی کا 34 واں اجلاس کل شروع ہوگا، اہم بلز اور حکومتی امور پر بحث متوقع

Now Reading:

امریکی سفیر کا بزنس گروپس کی طرف سے پاکستان میں انویسٹمنٹ میں دلچسپی کا اظہار

اسلام آباد: امریکی سفیر ڈونلڈ بلوم نے امریکی بزنس گروپس کی طرف سے پاکستان میں انویسٹمنٹ میں دلچسپی کا اظہار کردیا۔

وفاقی وزیر نجکاری و سرمایہ کاری بورڈ اور مواصلات عبدالعلیم خان سے امریکہ کے سفیر ڈونلڈ بلوم کی ملاقات ہوئی، عبدالعلیم خان اور ڈونلڈ بلوم کے مابین پاکستان اور امریکہ کے باہمی دیرینہ تعلقات پر تفصیلی بات چیت ہوئی۔

وفاقی وزیر عبدالعلیم خان نے امریکی سفیر سے پاکستان میں مختلف شعبوں میں سرمایہ کاری کی کاوشوں پر گفتگو کی۔

وفاقی وزیر سرمایہ کاری بورڈ عبدالعلیم خان نے کہا کہ ملکی معیشت کو درپیش چیلنجز میں ہی کئی مواقع بھی میسر ہیں، امریکہ سے بزنس کمیونٹی کی پاکستان میں سرمایہ کاری خوش آئند ہے اور انہیں ہر ممکن سہولت دیں گے۔

عبدالعلیم خان کا گفتگو میں کہنا تھا کہ ہزاروں پاکستانی امریکہ میں رہائش پذیر ہیں جب کہ زرمبادلہ پاکستان کے لئے اہمیت کا حامل ہے۔

ملاقات کے دوران امریکی سفیر ڈونلڈ بلوم نے امریکی بزنس گروپس کی طرف سے پاکستان میں انویسٹمنٹ میں دلچسپی کا اظہار کیا۔

وفاقی وزیر مزید کہتے ہیں کہ شاہراہوں اور موٹرویز میں بڑے پیمانے پر بہتری لانا چاہتے ہیں، وفاقی وزیر عبدالعلیم خان اور امریکی سفیر ڈونلڈ بلوم نے ایک دوسرے کے لئے خیر سگالی کے جذبات کا بھی اظہار کیا۔