بھارتی وزیراعظم نریندر مودی سوشل میڈیا پلیٹ فارم ایکس پر100 ملین فالوورز رکھنے والے پہلے وزیراعظم بن گئے ہیں۔
بھارتی میڈیا رپورٹس کے مطابق موجودہ لیڈرز کی فہرست میں بھارتی وزیر اعظم دنیا میں سب سے زیادہ فالو کیے جانے والے پہلے حکمران ہیں، جب کہ ان کے بعد امریکی صدر جو بائیڈن کا نمبر آتا ہے جو 38.1 ملین فالوورز کے ساتھ اس پلیٹ فارم پر موجود ہیں۔
رپورٹ کے مطابق ’ایکس‘ کے بانی اور ٹیسلا کے مالک ایلون مسک اس پلیٹ فارم پر سب سے زیادہ فالو کیے جانے والی شخصیت ہیں، جن کی فالوورز کی تعداد 189.7 ملین ہے۔
اس فہرست میں سابق امریکی صدر باراک اوباما 131.7 ملین کے ساتھ دوسرے، عالمی شہرت یافتہ فٹبالر کرسٹیانو رونالڈو 112.1 ملین کے ساتھ تیسرے اور بین الاقوامی شہرت یافتہ کینیڈین گلوکار جسٹن بیبر 110.5 ملین کے ساتھ چوتھے نمبر پر ہیں۔
امریکی ٹی وی اسٹار اور گلوکارہ ریحانہ 108.1 ملین کے ساتھ پانچویں ، ایک اور امریکی گلوکارہ کیٹی پیری 106.3 ملین کے ساتھ چھٹے، بھارتی وزیراعظم نریندر مودی 100 ملین کے ساتھ ساتویں، امریکی گلوکارہ ٹیلر سوئفٹ 95.3 ملین کے ساتھ آٹھویں، سابق امریکی صدر ڈونلڈ ٹرمپ 87.5 ملین کے ساتھ نویں اور امریکن سنگر لیڈی گاگا 83.1 ملین کے ساتھ دسویں نمبر پر موجود ہیں۔
Advertisement
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
