حیدرآباد میں ایک بااثر زمیندار نے ظلم کی انتہا کرتے ہوئے سات سالہ بچے کو فائرنگ کرکے قتل کردیا۔

ذرائع کے مطابق سندھ کے شہر حیدر آباد میں ایک بااثر ظالم زمیندار نے 7 سالہ بچے طاہر ولد منو ملاح کو بکریاں کھیتوں میں داخل کرنے پر منع کیا تھا۔

ذراٸع کا کہنا ہے کہ بچے کے والدین اور مذکورہ افراد میں جھگڑے کے بعد فائرنگ کے نتیجے میں بچہ جاں بحق ہوا۔

ورثاء کا لاش سمیت حیدرآباد بدین روڈ پر دھرنا جاری ہے، مظاہرین کی جانب سے ملزم کی گرفتاری کا مطالبہ اور شدید نعرے بازی کی جارہی ہے جب کہ بدین روڈ پر احتجاج کے باعث ٹریفک معطل ہوگیا ہے۔

ایس ایچ او سیری ارسلان چنا کا کہنا ہے کہ قتل کے واقعے کی تفتیش کررہے ہیں، بچے کے قتل میں ملوث افراد کو جلد گرفتار کرلیں گے۔

بول نیوز کے نمائئدے کے ساتھ بچے کی دادی نے بات کرتے ہوئے کہا کہ میرا بیٹا کھیل رہا تھا اور کھیلتے ہوئے ہی بچے کو گولی ماری۔

بچے کی دادی نے بتایا کہ بچہ کھیت پر نہیں گیا تھا بلکہ ایک طرف کھیل رہا تھا، پھر کیوں بے گناہ بچے کو گولی ماری، ہم غریبوں پر ظلم کیا جارہا ہے۔ زمیندار نے گولی ماری اور بھاگ گیا جب کہ ہماری کسی سے کوئی دشمنی نہیں ہے۔