پاکستانی عوام کے مسائل کی جڑ بجلی ہے، مصطفیٰ کمال

ویب ڈیسک

05th Aug, 2024. 07:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستانی عوام کے مسائل کی جڑ بجلی ہے، مصطفیٰ کمال

ایم کیو ایم پاکستان کے رہنما مصطفیٰ کمال نے کہا ہے کہ پاکستانی عوام کے تمام مسائل کی جڑ بجلی ہے۔

ایم کیو ایم وفد کے ہمراہ وفاقی وزیر توانائی سردار اویس لغاری سے ملاقات کے بعد میڈیا سے گفتگو کرتے ہوئے مصطفیٰ کمال نے کہا کہ بجٹ کے بعد ٹیکسز اور بجلی نے غریب آدمی کی کمر توڑ کر رکھ دی ہے۔

انہوں نے کہا کہ ہماری معیشت اب ٹیکسز اور بجلی بلوں کے باعث مر رہی ہے، یہ ٹیکسز اور بجلی کے بل سب سے بڑا مسئلہ ہے۔

مصطفیٰ کمال کا کہنا تھا کہ اس معاملے پر کوئی دھرنا نہیں دیا، حکومت سے مذاکرات کر رہےہیں، موجودہ حکومت کو مسئلے کا ادراک ہے۔

ان کا کہنا تھا کہ مہنگی بجلی اور کیپسٹی پیمنٹس سے صنعت کار بھی پریشان ہیں، ہمارا آئی ایم ایف سے بھی معاہدہ ہے مزید کچھ کہنا نہیں چاہتا۔

رہنما ایم کیو ایم نے کہا کہ حکومت کو بتایا ہے کہ کراچی میں 18 گھنٹے کی لوڈشیڈنگ ہے، غریب کیلئے بجلی کا بل ادا کرنا مشکل ہو گیا ہے۔

ایم کیو ایم کے رہنما مصطفیٰ کمال کا مزید کہنا تھا کہ ایک حکومت کی آئی پی پیز ہیں اور مقامی آئی پی پیز کو حکومت کی بات ماننی چاہئے، غیرملکی آئی پی پیزکےساتھ بات چیت میں وقت لگے گا۔