جماعت اسلامی کے ساتھ کچھ معاملات تحریری طور پر طے، عطا تارڑ

ویب ڈیسک

07th Aug, 2024. 11:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جماعت اسلامی کے ساتھ کچھ معاملات تحریری طور پر طے، عطا تارڑ

وفاقی وزیر اطلاعات عطا تارڑ کا کہنا ہے کہ جماعت اسلامی کے ساتھ کچھ معاملات تحریری طور پر طے ہوئے ہیں۔

جماعت اسلامی کے ساتھ مذاکرات کے بعد انہوں نے میڈیا سے گفتگو میں کہا کہ ان سے مثبت بات چیت ہوئی، وزیراعظم کا ایجنڈا ہے کہ ہم نے بجلی کی قیمتیں کم کرنی ہیں، 200 یونٹ تک استعمال کرنے والے بجلی صارفین کو 50 ارب روپے کی سبسڈی دی گئی ہے۔

وزیر اطلاعات کا کہنا تھا کہ جون،جولائی اوراگست 3 ماہ کیلئے بجلی صارفین کوسبسڈی دی گئی، آئی پی پیز کے معاملات کیلئے ٹاسک فورس کا قیام عمل میں آچکا ہے، وزیراعظم شہبازشریف ان اقدامات پرعمل پیرا ہیں۔

عطا تارڑ کا کہنا تھا کہ جماعت اسلامی کا مطالبہ ہمارا ایجنڈا ہے، بہت سے معاملات پر اتفاق ہو گیا ہے،مزید معاملات پر اتفاق ہونا ہے، کل تک مذاکرات کا دور ملتوی کیا گیا ہے۔

ان کا کہنا تھا کہ کل شام کو جماعت اسلامی کے ساتھ مزید ایک نشست ہو گی، آج بھی مذاکرات میں کافی پیشرفت ہوئی ہے۔

وفاقی وزیر اطلاعات عطا تارڑ کا مزید کہنا تھا کہ مارچ کرنا جماعت اسلامی کا جمہوری حق ہے، جماعت اسلامی کے سیالکوٹ میں گرفتار کارکنوں کو رہا کر دیا گیا۔