ریلوے کے پی ایس ڈی پی اکاؤنٹ سے ریونیو اکاؤنٹ اور ڈپازٹ اکاؤنٹ میں رقم منتقل کرنے کا انکشاف ہوا ہے۔

ریلوے کے پی ایس ڈی پی اکاؤنٹ سے ریونیو اکاؤنٹ اور ڈپازٹ اکاؤنٹ میں رقم منتقل کرنے کا انکشاف آڈٹ رپورٹ میں کیا گیا ہے جب کہ رقم کی منتقلی متعلقہ اتھارٹی کے اجازت کے بغیر منتقل کی گئی ہے۔

رونیو آکاونٹ میں 64 کروڑ 21 لاکھ 70 ہزار روپے منتقل کیے گئے، ڈپازٹ اکاؤنٹ میں پچاس کروڑ روپے منتقل کیے گئے ہیں۔

رپورٹ کے مطابق وزارت خزانہ کی پیشگی اجازت کے بغیر سرمایہ کاری یا کسی اور جگہ جمع کرنے کے لیے عوامی اکاؤنٹ سے کوئی رقم نہیں نکالی جاسکتی۔

رپورٹ میں بتایا گیا ہے کہ یہ فنڈز فنانس ڈویژن نے پاکستان ریلوے کے منظور شدہ منصوبوں کے لیے صدر پاکستان کی منظوری سے فراہم کیے تھے۔

رپورٹ میں کہا گیا ہے کہ مخصوص منظور شدہ منصوبوں کے لیے فنانس ڈویژن کی طرف سے پاکستان ریلوے کو فراہم کیے گئے پی ایس ڈی پی فنڈز کو کسی دوسرے مقصد کے لیے منتقل یا استعمال نہیں کیا جاسکتا۔ رپورٹ

رپورٹ کے مطابق کنٹرولنگ آفیسر کا فرض ہے فنڈز عوامی مفاد میں اور ان مقاصد کے لیے خرچ کیے گئے ہیں یا نہیں۔ ریلوے مینجمنٹ کی جانب سے پی ایس ڈی پی اکاؤنٹ سے دوسرے اکاؤنٹس میں رقوم کی منتقلی غیر مجاز تھی اور اس سے فنڈز کا غلط استعمال ہوتا ہے۔

رپورٹ میں مزید کہا گیا ہے کہ رقوم کی منظوری کے بغیر منتقل کو روکا جائے اور مستقبل بغیر اجازت فنڈز کو منتقل نہ کیا جائے۔