ڈونلڈ ٹرمپ نے کملا ہیرس کے ساتھ مباحثے کے لئے حامی بھرلی

ویب ڈیسک

03rd Aug, 2024. 03:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈونلڈ ٹرمپ نے کملا ہیرس کے ساتھ مباحثے کے لئے حامی بھرلی

واشنگٹن: سابق امریکی صدر ڈونلڈ ٹرمپ نے 4 سمبتر کو کملا ہیرس کے ساتھ مباحثے کے لئے حامی بھرلی ہے۔

غیر ملکی خبر رساں ادارے کے مطابق امریکی صدارتی امیدوار ڈونلڈ ٹرمپ 4 ستمبر کو اپنی حریف کملا ہیرس سے مباحثے کے لئے امریکی چینل فاکس نیوز کی پیشکش پر رضا مند ہوگئے ہیں۔

رپورٹ کے مطابق ڈونلڈ ٹرمپ نے کملا ہیرس کے ساتھ مباحثے میں فل ارینا آڈیئنس کی شرط رکھی ہے۔

ڈونلڈ ٹرمپ نے اس حوالے سے کہا ہے کہ کملا ہیرس کے ساتھ مباحثے کے قواعد جوبائیڈن کے ساتھ مباحثے والے ہی رہیں گے۔

غیرملکی میڈیا کے مطابق فاکس نیوز کا صدارتی مباحثہ پنسلوینیا میں ہوگا۔

خیال رہے کہ کملا ہیرس نے ڈیموکریٹ پارٹی کا صدارتی امیدوار بننے کے لئے درکار پارٹی ووٹ حاصل کرلیے ہیں۔

کملا ہیرس امریکی تاریخ میں صدارتی امیدوار کی نامزدگی حاصل کرنے والی پہلی غیر سفید فام خاتون ہوں گی۔

کملا ہیرس کو باضابطہ ڈیموکریٹ صدارتی امیدوار اگلے ہفتے نامزد کیا جائے گا، انہوں نے 4 ہزار سے زائد پلیجڈ ڈیلی گیٹس میں 3923 کی حمایت حاصل کی ہے۔