کراچی: وفاقی وزیر بحری امور قیصر احمد شیخ نے پاکستان نیشنل شپنگ کارپوریشن کو نجکاری فہرست میں شامل کرنے کی تجویز دے دی ہے۔

وفاقی وزیر بحری امور قیصر احمد شیخ نے بڑا اعلان کرتے ہوئےپاکستان نیشنل شپنگ کارپوریشن (پی این ایس سی) کو نجکاری فہرست میں شامل کرنے کی تجویز دے دی ہے۔

وفاقی وزیر بحری امور کا کہنا ہے کہ پی این ایس سی اسٹریٹجک ادارہ نہیں ہے، پی این ایس سی جتنا منافع کماتا ہے اس سے کہیں زیادہ کمایا جاسکتا ہے۔

سی ایف او پی این ایس سی جرار حیدر کاظمی نے بتایا کہ رواں سال پی این ایس سی کا منافع 20 ارب روپے ہونے کی توقع ہے، گذشتہ برس پی این ایس سی کی آمدنی 30 ارب روپے سے زائد تھی۔

ذرائع کے مطابق رواں سال آمدنی میں 10 ارب روہے کی کمی ہوگی جس کی ایک اہم وجہ پرانے جہاز، جرمانے اور جہازوں پر جرمانوں ہر بھاری رقم ادا کی گئی ہے۔

وفاقی وزیر قیصر احمد شیخ کہتے ہیں کہ یورپی شپنگ کمپی مرکس کے ساتھ رواں ماہ کے آخر میں ایم او یو سائن کرنے جارہے ہیں۔

انہوں نے بتایا کہ مرکس ابتدائی طور پر 2 ارب ڈالرز کی سرمایہ کاری کا ارادہ رکھتی ہے جس میں انفرا اسٹرکچر، ویئر ہاؤس، پلوں کی تعمیر اور شپ بریکنگ کا بڑا منصوبہ شامل ہے جب کہ مرکس تقریباً 750 جہاز گڈانی میں شپ بریکنگ کرنے ارادہ رکھتا ہے۔

دوسری جانب کے پی ٹی نے رواں سال تاریخ کی سب سے زیادہ آمدنی حاصل کی ہے، کے پی ٹی کا منافع 2 ارب روہے سے بڑھ کر 10 ارب روہے ہہنچ گیا ہے جب کہ کے ہی ٹی نے 50 ارب روہے کارگو ہینڈلنگ کی ہے۔

چیئرمین کے پی ٹی سیدین زیدی کے مطابق اگلے سال کے پی ٹی نے منافع کا ہدف 15 ارب روہے مقرر کیا ہے۔

چیئرمین پورٹ قاسم ناصر شاہ کے مطابق رواں سال پورٹ قاسم کا منافع 35 ارب روہے کو عبور کرجائے گا، گزشتہ برس یہ منافع 29 ارب روپے تھا جب کہ ہمارے منافع میں ہر سال 20 فیصد تک منافع ہورہا ہے۔