عمرکوٹ، نایاب نسل کے 5 ہرن اسمگلنگ کی کوشش ناکام

ویب ڈیسک

07th Aug, 2024. 11:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمرکوٹ، نایاب نسل کے 5 ہرن اسمگلنگ کی کوشش ناکام

چھور روڈ پر سی آئی اے پولیس نے خفیہ اطلاع ملنے پر کارروائی کرتے ہوئے نایاب نسل کے 5 ہرن اسمگل کرنے کی کوشش ناکام بنا دی۔

سی آئی اے انچارج خلیل کمبہار کی ڈپٹی کنزرویٹر وائلڈ لائف میر اعجاز تالپور کے ہمراہ عمرکوٹ میں ایک پریس کانفرنس میں صحافیوں کو بتایا کہ خفیہ اطلاع ملنے پر کامیاب کارروائی کے دوران 5 نایاب ہرن برآمد کر لیے ہیں۔

سی آئی اے انچارج خلیل کمبہار نے کہا کہ نایاب نسل کے ہرن اسملنگ کرنے والے دو ملزمان فیض ولد محمد یوسف رند اور ماجد ولد غلام سرور چنا کو گرفتار کر لیا جن کے قبضے سے نایاب نسل کے پانچ ہرن بھی برآمد کر لیے۔

گرفتار ملزمان دادو ضلع کے رہائشی ہیں جو صحرائے تھر کے مختلف علاقوں سے نایاب نسل کے ہرن لے جا کر مختلف شہروں میں اسملنگ کرتے تھے۔

انچارج سی آئی اے کا کہنا تھا کہ ہرن ہمارے علاقے کی پہچان ہے ہرنوں کا تحفظ کرنا ہمارا فرض ہے۔

ڈپٹی کنزرویٹر وائلڈ لائف میر اعجاز تالپور نے صحافیوں کو بتایا کہ سی آئی اے پولیس نے ملزمان اور ہرن محکمہ وائلڈ لائف کے حوالے کر دئیے ہیں ملزمان پر وائلڈ لائف ایکٹ کے تحت مقدمہ درج کیا ہے۔