فورسز اور عوام پر دہشتگردو ں کے حملے جہاد نہیں جہالت ہے، علی امین گنڈا پور

ویب ڈیسک

04th Aug, 2024. 06:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فورسز اور عوام پر دہشتگردو ں کے حملے جہاد نہیں جہالت ہے، علی امین گنڈا پور

وزیراعلٰی خیبرپختون خوا علی امین گنڈا پور نے کہا ہے کہ فورسزاورعوام پردہشتگردو ں کے حملے جہاد نہیں جہالت ہے، دہشتگرد جہالت کے اندھیروں سے نکلیں۔

پشاورمیں تقریب سے خطاب کرتے ہوئے وزیراعلٰی کے پی علی امین گنڈا پور نے کہا کہ تمام شہدا کوسلام پیش کرتا ہوں، شہداکی قربانیوں کی وجہ سے آج ہم محفوظ ہیں، عوام دہشتگردی کے خلاف جنگ میں قربانیاں دے رہے ہیں۔

علی امین گنڈاپورنے کہا کہ ہماری ترجیح امن وامان کا قیام ہے، امن قائم ہونے تک صوبہ خوشحال نہیں ہوسکتا، ہمارے جوان ملک کے اندراورسرحدوں پر دہشتگردوں سے لڑ رہے ہیں، میں خود فوجی کا بیٹا اوربھائی ہوں، شہدا کی وجہ سے آج ہم یہاں موجود ہیں۔

وزیراعلٰی خیبرپختون خوا نے کہا کہ کوئی پولیس اہلکارتلاشی لے رہا ہے تووہ آپ کی حفاظت کررہا ہے، مثالی صوبے کے ساتھ ہمیں مثالی قوم بھی بننا ہے، شہدا کے بچے ہمارے ہیں ان کا خیال رکھنا ہمارا فرض ہے، شہدا نے جو قربانیاں دیں وہ ہمارے بچوں کےلیے دیں۔

علی امین گنڈاپورنے کہا کہ ہماراہردن شہدااورغازیوں کی مرہون منت ہے، فورسزاورعوام پردہشتگردو ں کے حملے جہاد نہیں جہالت ہے، دہشتگرد جہالت کے اندھیروں سےنکلیں، اپنی اصلاح کریں، مقابلہ کرینگےاوردہشتگردی کا خاتمہ کریں گے