یونیسکو کی ایک رپورٹ کے مطابق افغانستان میں طالبان کی حکومت میں 14 لاکھ لڑکیاں تعلیم سے محروم کر دی گئیں۔

عالمی تنظیم کی رپورٹ کے مطابق 15 اگست 2021 سے مسند اقتدار پر براجمان ہونے والے طالبان نے پوری ایک نسل کے مستقبل کو خطرے سے دوچار کر دیا ہے اور کم از کم 1.4 ملین لڑکیاں اسکول جانے سے محروم ہیں۔

رپورٹ میں کہا گیا ہے کہ افغانستان میں لڑکیوں کی صرف پرائمری تعلیم کی اجازت ہے مگر اب اس میں بھی کمی آ رہی ہے۔

طالبان کے 3 سالہ دور اقتدار میں لڑکیوں کی 80 فی صد آبادی تعلیم سے محروم ہے، اور یہ دنیا کا واحد ملک ہے جہاں اتنی بڑی تعداد میں لڑکیوں کو اسکولوں، کالجوں اور یونیورسٹیوں کی تعلیم سے دور رکھا جا رہا ہے۔

عالمی ادارے یونیسکو کی رپورٹ میں مزید بتایا گیا ہے کہ لڑکیوں کو تعلیم کے علاوہ خواتین کو بھی ملازمت سے بھی رکھا جا رہا ہے جو تشویشناک خبر ہے۔