عمر ایوب کا بطور سیکریٹری جنرل پی ٹی آئی استعفٰی منظور

ویب ڈیسک

07th Sep, 2024. 03:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمر ایوب کا بطور سیکریٹری جنرل پی ٹی آئی استعفٰی منظور

اپوزیشن لیڈرقومی اسمبلی عمر ایوب کا بطور سیکریٹری جنرل پی ٹی آئی پارٹی استعفٰی منظورکر لیا گیا۔

پی ٹی آئی کے اپوزیشن لیڈرعمر ایوب کا کہنا ہے کہ پی بانی پی ٹی آئی کامشکورہوں انہوں نے میرا استعفیٰ منظورکیا، 22 جون کو بھی استعفیٰ دیا تھا لیکن منظورنہیں ہوا۔

عمرایوب کا کہنا ہے کہ بطوراپوزیشن لیڈر، کیس بھگتنا، جلسے دیکھنا ورک لوڈ تھا۔ میں نے اپوزیشن لیڈرسینیٹ کو بانی چیئرمین سے ملاقات میں میرا استعفی پہنچانے کا کہا۔

انھوں نے مزید کہا کہ میں بطور ورکر پی ٹی آئی اور بانی چیئرمین کے ساتھ کام جاری رکھوں گا۔

دوسری جانب بانی پی ٹی آئی کا پارٹی کی مرکزی قیادت پراعتماد کا فقدان ہے۔ عمرایوب کی جگہ سلمان اکرم راجہ کو سیکرٹری جنرل بنانے کا امکان ہے۔

پارٹی ذرائع کے مطابق عمرایوب خان کی قیادت میں پارٹی میں اتفاق رائے نہ ہونے کی وجہ سے نام تبدیل کیا گیا۔ شبلی فرازاورعارف علوی کی جانب سے عمرایوب کی جگہ سلمان اکرم راجہ کا نام دیا گیا۔

پارٹی ذرائع نے بتایا کہ سلمان اکرم راجہ نے بانی پی ٹی آئی کو پنجاب سے ورکرزنکالنے کی یقین دہانی کروائی۔ عمرایوب بطور اپوزیشن لیڈر ہی اسمبلی میں اپنا کردارادا کرینگے۔