پی ٹی آئی کی معاہدے کی خلاف ورزی، انتظامیہ کی کارروائی پر شرکا کا پتھراؤ

ویب ڈیسک

08th Sep, 2024. 07:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی کی معاہدے کی خلاف ورزی، انتظامیہ کی کارروائی پر شرکا کا پتھراؤ

پی ٹی آئی نے اسلام آباد انتظامیہ کے ساتھ کئے گئے معاہدے کی خلاف ورزی کی، انتظامیہ نے خلاف ورزی پر کارروائی شروع کر دی ہے۔

پی ٹی آئی نے انتظامیہ کے ساتھ طےشدہ وقت ختم ہونےکے باوجود جلسہ جاری رکھا، جس پر اسلام آباد انتظامیہ نے کارروائی کی۔

جلوس کے شرکا نے پولیس پر شدید پتھراؤ شروع کر دیا ہے۔ پولیس نے جلوس کے شرکا کو منتشر کرنے کے لیے آنسو گیس کی شیلنگ شروع کر دی ہے۔

پی ٹی آئی اوراسلام آباد انتظامیہ کے درمیان 4 سے7 بجے تک جلسے کا وقت طے ہوا تھا، انتظامیہ کے مطابق پی ٹی آئی نے7 بجے جلسہ ختم کرنے کی تحریری یقین دہانی کرائی تھی۔

ڈپٹی کمشنر اسلام آباد کا کہنا ہے کہ پی ٹی آئی نے معاہدے کی خلاف ورزی کی، آئندہ جلسے کی اجازت سے پہلے معاہدہ توڑنے کی مثال سامنے رکھیں گے۔

6 ڈپٹی کمشنر اسلام آباد نے مزید کہا کہ پی ٹی آئی انتظامیہ کو بجے آگاہ کر دیا تھا کہ جلسے کا وقت ختم ہونے میں ایک گھنٹہ رہ گیا ہے۔

ڈی سی اسلام آباد کا کہنا ہے کہ روٹ کی خلاف ورزی کر کے آنے والے جلوس کے شرکا نے پولیس پر شدید پتھراؤ کیا جس سے متعدد پولیس اہلکار زخمی ہو گئے ہیں۔