وزیر اطلاعات کا کہنا ہے کہ نمبرگیم کے حوالے سے ہم پازیٹو ہیں، مولانا فضل الرحمان ہمارے پرانے اتحادی اور ساتھی ہیں، تھوڑا انتظار کریں اچھی خبریں ملیں گی۔

وفاقی وزیراطلاعات عطااللہ تارڑ نے اسلام آباد میں میڈیا سے گفتگوکرتے ہوئے کہا کہ جلد انصاف کی فراہمی پاکستان عوام کا حق ہے، وقت کی ضرورت تھی جس کے لیے ریفارمزلارہے ہیں، انفرادی طورپرکوئی قانون سازی نہیں ہو گی۔

عطا تارڑنے کہا کہ اجتماعی طورپرفیصلہ ہوگا عوام کے بہتر مفاد میں قانون سازی کی جائے گی۔ ہم آج آئینی ترمیم کے حوالے سے پرامید ہیں اور پرعزم بھی۔ نمبر گیم کے حوالے سے کوئی مسئلہ نہیں ہوگا۔ پاکستانی عوام کو تیز اور بروقت انصاف کیلیے اصلاحات کی سخت ضرورت تھی۔

وفاقی وزیراطلاعات نے کہا کہ کسی فرد واحد کیلئے یہ آئینی اصلاحات نہیں کی جا رہیں۔ جو بھی ہوگا وہ عوام کے اجتماعی مفاد میں ہوگا۔ انصاف کی جلدی اوردہلیز پر فراہمی کیلیے اقدامات کر رہے ہیں۔ عوام کو تیز ترین انصاف کی فراہمی کے لئے اصلاحات ناگزیر ہیں۔

عطاتارڑنے میڈیا سے گفتگومیں کہا کہ جو بھی قانون سازی ہوگی وہ قوم کے اجتماعی مفاد میں ہوگی، کیسز کو نمٹانے میں کئی کئی دہائیاں لگ جاتی ہیں، عوام کو تیز ترین انصاف کی فراہمی کے لئے اقدامات ضروری ہیں۔

وزیراطلاعات نے کہا کہ اسپیشل کمیٹی میں تمام اتحادی جماعتیں موجود ہیں، بلاول بھٹو زرداری اوراسحاق ڈار صاحب نے چارٹر آف ڈیموکریسی کی بات کی ہے، قومی نوعیت کے معاملات میں جو بھی ترمیم ہوگی اس کا فائدہ پوری پاکستانی قوم کو ہونا چاہئے۔

عطا تارڑنے مزید کہا کہ کئی مرتبہ کازلسٹ جاری نہیں ہوتی، نوٹس نہیں دیے جاتے اور آرڈر جاری ہو جاتے ہیں، اس حوالے سے توازن کو برقرار رکھنے کے لئے توازن کا نظام ہونا چاہئے، کابینہ کے ممبران موجود ہیں، کچھ دیر بعد کابینہ کا اجلاس ہوگا۔

وزیر اطلاعات کا کہنا ہے کہ نمبرگیم کے حوالے سے ہم پازیٹو ہیں، مولانا فضل الرحمان ہمارے پرانے اتحادی اور ساتھی ہیں، تھوڑا انتظار کریں اچھی خبریں ملیں گی۔