قومی اسمبلی اجلاس میں آج پیش کی جانےوالی مجوزہ آئینی ترامیم کی تفصیلات بول نیوز نے حاصل کر لی ہیں۔

ذرائع کے مطابق مجوزہ آئینی ترامیم میں 20 سے زائد شقوں کو شامل کیا گیا، آئین کی شقیں 51،63، 175، 187 اور دیگر میں ترامیم کی جائیں گی۔

ذرائع کا کہنا ہے کہ آئینی ترمیم میں ردوبدل کے مطابق بلوچستان اسمبلی کی نمائندگی میں اضافے کی ترمیم بھی شامل، بلوچستان اسمبلی کی سیٹیں 65 سے بڑھا کر 81 کرنے کی تجویز شامل ہیں۔

آئین کے آرٹیکل 63 میں ترامیم کی جائیں گی، منحرف اراکین کے ووٹ سے متعلق آرٹیکل 63 میں ترمیم بھی شامل ہے۔

ذرائع کا یہ بھی کہنا ہے کہ آئینی عدالت کے فیصلے پر اپیل آئینی عدالت میں سنی جائے گی، آئین کے آرٹیکل 181 میں بھی ترمیم کیے جانے کا امکان ہے۔

چیف جسٹس کی مدت ملازمت نہیں بڑھائی جائے گی، اسلام آباد ہائیکورٹ کے ججز کو دوسرے صوبوں کی ہائیکورٹس میں بھیجا جا سکے گا۔

چیف جسٹس کا تقرر سپریم کورٹ کے 5 سینئر ججز کے پینل سے ہو گا، حکومت سپریم کورٹ کے 5 سینئر ججز میں سے چیف جسٹس لگائے گی۔

آئینی عدالت میں آرٹیکل 184، 185، 186 سے متعلق درخواستوں کی سماعت ہو گی، آئینی عدالت کے باقی 4 ججز بھی حکومت تعینات کرے گی۔

ذرائع کے مطابق مجوزہ آئینی ترمیم میں ججز کی تعیناتی کیلئے جوڈیشل کمیشن، پارلیمانی کمیٹی کو اکٹھا کیا جائے گا۔