پاکستان پیپلزپارٹی جمہوریت پر یقین رکھتی ہے، مرادعلی شاہ

ویب ڈیسک

15th Sep, 2024. 12:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان پیپلزپارٹی جمہوریت پر یقین رکھتی ہے، مرادعلی شاہ

سید مراد علی شاہ کا کہنا ہے کہ پاکستان پیپلزپارٹی جمہوریت پر یقین رکھتی ہے اور جمہوریت ہی عوام کی خدمت کا بہترین نظام ہے۔

وزیراعلیٰ سندھ سید مرادعلی شاہ نے عالمی یومِ جمہوریت کے موقع پر اپنے پیغام میں کہا ہے کہ پاکستان پیپلزپارٹی جمہوریت کی علمبردار ہے، ہم نے جمہوریت کی بقا کے لیے بے شمار قربانیاں دی ہیں۔

وزیراعلیٰ سندھ نے پیغام میں کہا کہ جمہوریت کی آبیاری کے لیے ہمارے قائدین اورکارکنان نے اپنے لہو کا نذرانہ پیش کیا۔ جمہوریت ایسا شاندار نظام ہے جہاں لوگ اپنے نمائندوں کا انتخاب خود کرتے ہیں۔

مراد علی شاہ نے کہا کہ شہید محترمہ بے نظیربھٹو نے جمہوریت کو بہترین انتقام قراردیا، پاکستان پیپلزپارٹی جمہوریت پر یقین رکھتی ہے اور جمہوریت ہی عوام کی خدمت کا بہترین نظام ہے۔

وزیراعلیٰ سندھ نے کہا کہ پاکستان کے روشن مستقبل اور استحکام کے لیے جمہوریت ہی واحد راستہ ہے، پاکستان پیپلزپارٹی نے جمہوریت کی بحالی کے لیے قربانیاں دیں اور بھرپور آواز بلند کی۔

مراد علی شاہ نے مزید کہا کہ پیپلزپارٹی نے آمروں کے سامنے بھی کبھی ہتھیارنہیں ڈالے، جمہوریت کی بحالی ہی ہمارا نصب العین ہے اور جمہوریت ہی اداروں کو مضبوط بناتی ہے۔