امیر جماعت اسلامی حافظ نعیم الرحمن کا کہنا ہے کہ امریکا نے قبائلی علاقوں میں دہشت گردی کو پروموٹ کیا۔

پشاور میں امیر جماعت اسلامی حافظ نعیم الرحمان نے ایک تقریب سے خطاب کرتے ہوئے کہا کہ امریکہ نے قبائلی علاقوں میں دہشت گردی کو پروموٹ کیا۔

انہوں نے کہا کہ افغان سرزمین کو پاکستان کے خلاف استعمال نہیں ہونا چاہیے، افغان طالبان سے بدامنی کی فضا روکنے کا مطالبہ ہے۔

جماعت اسلامی کے امیر کا کہنا تھا کہ تمام اسٹیک ہولڈرز اور سیاسی جماعتوں کو آن بورڈ لیں، صوبائی حکومت کو اپنا کردار ادا کرنا چاہیئے۔

امیر جماعت اسلامی حافظ نعیم الرحمن کا مزید کہنا تھا کہ وزیراعلیٰ کے پی وفاق کے ساتھ اپنے صوبے پر توجہ دیں، وزیراعلیٰ کے پی کی کارکردگی اچھی ہو گی تو پارٹی کیلئے اچھا ہو گا۔