ہری پور، مدرسے کی چھت گر گئی، 2 طالبات جاں بحق، 5 زخمی

ویب ڈیسک

08th Sep, 2024. 08:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہری پور، مدرسے کی چھت گر گئی، 2 طالبات جاں بحق، 5 زخمی

ہری پور میں مدرسے کی چھت گرنے سے 2 طالبات جاں بحق جبکہ 5 طالبات زخمی ہو گئی ہیں۔

ہری پور کی ڈھینڈہ روڈ پر قائم مدرسہ ماریہ قطبیہ کی نو تعمیر شدہ چھت گر گئی، پولیس، 1122 اور دیگر اداروں کے ہمراہ مقامی افراد امدادی کارروائیوں میں شامل ہیں۔ ڈھینڈہ روڈ مدرسے کی چھت گر گئی

ریسکیو حکام کا کہنا ہے کہ بچیوں کے مدرسے کی چھت گرنے سے متعدد طالبات پھنس گئیں, جبکہ تین طالبات ملبے تلے دبی ہوئی ہیں۔

رپورٹس کے مطابق مدرسے کی چھت ایک ہفتہ قبل تعمیر کی گئی تھی اور نئی چھت پر پانی بھی کھڑا تھا۔

حکام کے مطابق ایک اور بچی کو ملبے سے نکال لیا گیا ہے, ریسکیو 1122 نے پانچ زخمی طالبات کو ٹرامہ سنٹر منتقل کر دیا ہے۔

ریسکیو 1122 کا کہنا ہے کہ دو طالبات اب بھی ملبے میں پھنسی ہوئی ہیں جنہیں ملبے سے نکالنے کیلئے ریسکیو آپریشن جاری ہے۔