صحافیوں سے چیف جسٹس کی آف دی ریکارڈ گفتگو نشر کرنا قابل افسوس قرار

ویب ڈیسک

10th Sep, 2024. 10:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صحافیوں سے چیف جسٹس کی آف دی ریکارڈ گفتگو نشر کرنا قابل افسوس قرار

سپریم کورٹ نے صحافیوں کے ساتھ چیف جسٹس کی آف دی ریکارڈ گفتگو کو نشر کرنے کو قابل افسوس قرار دے دیا۔

سیکریٹری چیف جسٹس آف پاکستان نے گزشتہ روز کی گفتگو پر وضاحت جاری کر دی، انہوں نے کہا کہ چیف جسٹس کی آف دی ریکارڈ گفتگو کو غیر ضروری طور پر نشر کیا گیا۔

اعلامیے میں کہا گیا کہ آف دی ریکارڈ گفتگو کو غیر ضروری طور پر نشر کرنا افسوسناک ہے، آف دی ریکارڈ گفتگو سے غیر ضروری طور پر سنسنی پھیلائی گئی۔

سیکریٹری چیف جسٹس آف پاکستان نے کہا کہ افراد کو غیر ضروری اہمیت دینے سے اصل مقاصد سے ہٹ جاتے ہیں۔

سیکریٹری کا کہنا تھا کہ صحافی نے رانا ثنااللہ کے بیان پر فالواپ سوال کیا۔

سیکریٹری چیف جسٹس آف پاکستان نے مزید کہا کہ چیف جسٹس نے کہا رانا ثنااللہ سے نہیں ملا نہ ان کے بیان کاعلم ہے۔