190 ملین پاؤنڈ ریفرنس پرسماعت 13 نومبرتک ملتوی

ویب ڈیسک

11th Nov, 2024. 12:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

190 ملین پاؤنڈ ریفرنس پرسماعت 13 نومبرتک ملتوی

احتساب عدالت نے بانی پی ٹی آئی اور بشری بی بی کے خلاف 190 ملین پاؤنڈ ریفرنس پر سماعت 13 نومبرتک ملتوی کردی۔

اڈیالہ جیل میں 190 ملین پاؤنڈ ریفرنس پرسماعت ہوئی۔ احتساب عدالت کے جج ناصر جاوید رانا نے سماعت کی۔

سماعت کے دوران وکیل صفائی نے مؤقف پیش کیا کہ اسلام اباد ہائی کورٹ نے حکم دیا ہے کہ پہلے بریت کی درخواستوں پر فیصلہ کیا جائے۔

جج ناصرجاوید رانا نے کہا کہ اسلام اباد ہائی کورٹ سے اس حوالے سے ابھی کوئی حکم نامہ موصول نہیں ہوا۔

نیب پراسیکیوٹرنے کہا کہ ملزمان عدالت میں موجود ہیں ان کے 342 کے بیان ریکارڈ کیے جائیں۔ اس پروکیل پی ٹی آئی فیصل چوہدری نے کہا کہ 79 سوالات پر مشتمل سوال نامہ ہے اس کے لیے وقت درکار ہے، 342 کے بیان کے لیے 14 دن کا وقت دیا جائے۔

احتساب عدالت نے 190 ملین پاؤنڈ ریفرنس پرسماعت 13 نومبرتک ملتوی کر دی۔ بانی پی ٹی ائی کو کمرہ عدالت میں پیش کیا گیا۔ بشری بی بی بھی سماعت کے لیے اڈیالہ جیل آئیں۔