امریکا میں صدارتی انتخابات کے لیے امریکا کی کئی ریاستوں میں پولنگ کا ختم ہو گیا، ووٹوں کی گنتی جاری ہے۔

 ری پبلکن امیدوارڈونلڈ ٹرمپ اور ڈیموکریٹک امیدوار کملا ہیرس میں کانٹے کا مقابلہ متوقع ہے۔ امریکا میں 6 مختلف ٹائم زون کے باعث مختلف امریکی ریاستوں میں پولنگ کا آغاز الگ الگ وقتوں پرہوا۔

ریاست ورمونٹ، نیوجرسی، نیویارک، ورجینیا میں ووٹنگ جاری ہے، نیویارک میں الیکٹورل کالج کے 28 ووٹ ہیں۔ ورجینیا 13، نیوجرسی کے 14 الیکٹورل ووٹ ہیں۔

نیوہیمپشائر، الاباما، ساؤتھ کیرولائنا، جارجیااورمیری لینڈمیں، ایریزونا، نیواڈا، واشنگٹن، فلوریڈا، پنسلوانیا میں پولنگ کاعمل جاری۔  ڈیلاویئر، الینوائے، میسا چوسٹس، میسوری، رہوڈآئی لینڈ، ٹینیسی، لوزیانا، منی سوٹا، ٹیکساس، وسکونسن میں پولنگ جاری ہے۔

انڈیانا اورکینٹکی میں ڈونلڈ کا پلڑہ بھاری

امریکی میڈیا کے مطابق 7 کروڑ 89 لاکھ افراد پہلے ہی ووٹ کاسٹ کرچکے ہیں، کسی بھی امیدوارکوجیت کیلئے 538 میں سے 270 الیکٹورل ووٹ درکار ہیں۔

امریکی ریاستیں ایریزونا، جارجیا، مشی گن، نیواڈا، شمالی کیرولائنا، پینسلوینیا اوروسکونسن کا کردارصدارتی انتخابات میں اہم ہوگا۔

ادھرامریکی ریاست ٹیکساس کے شہرہیوسٹن میں موسلا دھاربارشوں کا سلسلہ تھمنے کے بعد ووٹرز ٹرن آوٹ میں اضافہ ہوا ہے۔

امریکی پاکستانی اورمسلمان کمیونٹی کا ووٹ منقسم نظرآتا ہے لیکن معقول اکثریت کا جھکاؤ ڈونلڈ ٹرمپ کی طرف دیکھنے میں آیا ہے جو مشرق وسطی میں امن کی امید پرڈونلڈ ٹرمپ کی حمایت کررہے ہیں۔