وزیراعظم شہباز شریف عرب اسلامک ممالک کے غیر معمولی سربراہی اجلاس میں شرکت کے بعد ریاض سے باکو کے لئے روانہ ہو گئے۔

ریاض کے انٹر نیشنل رائل ٹرمینل پر پاکستان میں تعینات سعودی سفیر نواف سعید المالکی نے وزیراعظم کو رخصت کیا۔

تین روزہ دورہ آذربائیجان کے دوران وزیرِ اعظم باکو میں کاپ 29 کلائمیٹ ایکشن سربراہی اجلاس میں شرکت کریں گے۔

 وزیر اعظم موسمیاتی تبدیلی کے مضر اثرات سے دوچار ممالک کی مشکلات کو اجاگر کرنے کیلئے منعقدہ اجلاس میں پاکستان کی نمائندگی کریں گے ۔

وزیراعظم پاکستان کو لاحق موسمیاتی تبدیلی کے خطرات پر روشنی ڈالیں گے، وزیرِاعظم کاپ-29 کے عالمی رہنماؤں کے کلائیمیٹ ایکشن سربراہی اجلاس میں شرکت کریں گے.

وزیرِ اعظم کاپ-29 کے سربراہی اجلاس سے خطاب بھی کریں گے۔

وزیرِ اعظم پاکستان کی جانب سے منعقد کلائیمیٹ فنانس گول میز کانفرنس کی میزبانی کریں گے۔

وزیرِ اعظم تاجک صدر امام علی رحمن کی جانب سے گلیشیئرز کے تحفظ کیلئے منعقدہ تقریب میں بھی شرکت کریں گے۔

وزیرِاعظم عالمی درجہ حرات پر منعقدہ اعلی سطح تقریب میں شرکت کریں گے۔

وزیراعظم آذربائیجان کے صدر کی جانب سے عالمی رہنماؤں کے اعزاز میں دئیے گئے عشائیے میں بھی شرکت کریں گے۔

وزیرِ اعظم COP-29 میں شرکت کیلئے آئے عالمی رہنماؤں سے دو طرفہ ملاقاتیں بھی کریں گے ، ملاقاتوں میں باہمی تعلقات کے فروغ پر گفتگو ہوگی ۔

 وزیرِاعظم پاکستان کو موسمیاتی تبدیلی سے لاحق خطرات پر بھی روشنی ڈالیں گے.

نائب وزیرِاعظم و زیرِ خارجہ اسحاق ڈار، وزیرِ اطلاعات و نشریات عطاء اللہ تارڑ اور معاون خصوصی طارق فاطمی وزیرِ اعظم کے ہمراہ ہیں.