پاکستان بحریہ کے لیفٹیننٹ کمانڈر کو سری لنکا میں اہم اعزاز سے نوازا گیا

ویب ڈیسک

13th Dec, 2024. 07:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان بحریہ کے لیفٹیننٹ کمانڈر کو سری لنکا میں اہم اعزاز سے نوازا گیا

پاکستان بحریہ کے لیفٹیننٹ کمانڈر سید محمد ارسلان کو سری لنکا میں گولڈن اول ایوارڈ سے نوازا گیا

تفصیلات کے مطابق پاکستان بحریہ کے لیفٹیننٹ کمانڈر سید محمد ارسلان کو سری لنکا کے ڈیفینس سروسز کمانڈ اینڈ اسٹاف کالج کی گریجویشن تقریب میں بہترین غیر ملکی نیول آفیسر کے اعزاز گولڈن اول ایوارڈ سے نوازا گیا۔

یہ اعزاز انہیں 15 ممالک کے غیر ملکی نیول افسران میں سے بہترین کے طور پر منتخب ہونے پر دیا گیا، جو کہ افواج پاکستان کی شاندار تربیتی روایات کا مظہر ہے۔

گریجویشن کی تقریب کے دوران سری لنکا کے ڈپٹی وزیر دفاع، میجر جنرل ریٹائرڈ پارونا جے سیکھرا نے مہمان خصوصی کے طور پر شرکت کی۔

لیفٹیننٹ کمانڈر سید محمد ارسلان کی یہ کامیابی پاکستان بحریہ کی اعلی تربیتی معیار اور پروفیشنلزم کا عکاس ہے، اور اس نے عالمی سطح پر پاکستانی افواج کی ساکھ کو مزید مستحکم کیا۔

گولڈن اول ایوارڈ کا حصول پاکستان کی مسلح افواج کی بین الاقوامی سطح پر تربیتی کامیابیوں اور اعلیٰ معیار کی تربیت کے اداروں کی اہمیت کو اجاگر کرتا ہے۔

لیفٹیننٹ کمانڈر ارسلان کی یہ کامیابی پاکستانی افواج کے عالمی فورمز پر نمایاں مقام حاصل کرنے کی ایک اور مثال ہے۔