نیلم جہلم منصوبے کی بحالی میں تاخیر، احسن اقبال کا سخت برہمی کا اظہار

ویب ڈیسک

02nd Dec, 2024. 10:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیلم جہلم منصوبے کی بحالی میں تاخیر، احسن اقبال کا سخت برہمی کا اظہار

اسلام آباد میں وفاقی وزیر منصوبہ بندی احسن اقبال کی زیر صدارت نیلم جہلم ہائیڈروپاور منصوبے سے متعلق اجلاس منعقد ہوا، جس میں وزیر نے منصوبے کی بحالی میں تاخیر پر شدید برہمی کا اظہار کیا۔

احسن اقبال نے نیلم جہلم منصوبے کی تحقیقات کے لیے قائم کمیٹی میں عالمی ماہرین کو شامل کرنے کی ہدایت دیتے ہوئے اس بات پر زور دیا کہ تحقیقات کو تیز کیا جائے اور ٹرمز آف ریفرنس (TORs) کو مزید بہتر بنایا جائے۔

وزیر منصوبہ بندی نے کہا کہ دیامربھاشا ڈیم منصوبے کو نیلم جہلم کی طرح کسی ناقص انجام سے بچایا جائے گا اور اس کے لیے نیسپاک کے کام کی آزادانہ توثیق بین الاقوامی ماہرین کے ذریعے کی جائے۔

انہوں نے نیسپاک میں اصلاحات کو ترجیحی بنیادوں پر یقینی بنانے کی بھی ہدایت کی تاکہ مستقبل میں نیلم جہلم منصوبے میں کی گئی غلطیوں کو نہ دہرایا جائے۔

احسن اقبال نے اس بات پر زور دیا کہ نیلم جہلم منصوبے کی ناکامی کے تجربے سے سبق سیکھ کر دیامربھاشا ڈیم کو درست سمت میں لے جایا جائے اور اس کی منصوبہ بندی اور نگرانی کو عالمی معیار کے مطابق بہتر بنایا جائے۔