وزیر خزانہ کی برطانوی وفد سے ملاقات، پاکستان کے معاشی استحکام اور اصلاحات پر تبادلہ خیال

ویب ڈیسک

02nd Dec, 2024. 11:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

وزیر خزانہ کی برطانوی وفد سے ملاقات، پاکستان کے معاشی استحکام اور اصلاحات پر تبادلہ خیال
شہریوں کے تحفظ کیلئے سرحد پار دہشتگردوں کیخلاف اقدمات کرتے رہیں گے ، خواجہ آصف
بابر کی فارم میں شاندار واپسی ، مداحوں نے خوب لطف اٹھایا، آؤٹ ہوتے ہی اسٹیڈیم خالی ہو گیا
3 سالہ میکرو اکنامک اور فسکل فریم ورک جاری،معاشی شرح نمو بڑھ کر 5.7 فیصدتک جانے کی توقع

Now Reading:

وزیر خزانہ کی برطانوی وفد سے ملاقات، پاکستان کے معاشی استحکام اور اصلاحات پر تبادلہ خیال

وزیر خزانہ محمد اورنگزیب نے برطانیہ کے فارن کامن ویلتھ اینڈ ڈویلپمنٹ آفس کے وفد سے ملاقات کے دوران پاکستان کے معاشی استحکام اور ڈھانچہ جاتی اصلاحات کے پروگرام سے آگاہ کیا۔

وفاقی وزیر خزانہ نے وفد کو اس بات کی تفصیل سے بتایا کہ رواں مالی سال کی پہلی سہ ماہی میں ریونیو میں 25.6 فیصد کا اضافہ ہوا ہے۔

وزیر خزانہ نے وفد کے سامنے پاکستان کے اہم معاشی اقدامات کا خاکہ پیش کرتے ہوئے ورلڈ بینک کے ساتھ 10 سالہ کنٹری پارٹنرشپ فریم ورک پر دستخط کرنے کے ارادے کا بھی اعلان کیا۔

وزیر خزانہ نے کہا کہ پاکستان ورلڈ بینک کے ساتھ اس طرح کے فریم ورک پر دستخط کرنے والا پہلا ملک بنے گا، جو کہ ملک کو درپیش مختلف معاشی اور ترقیاتی چیلنجز سے نمٹنے میں مدد دے گا۔

انہوں نے مزید بتایا کہ یہ فریم ورک پاکستان کو آبادی میں اضافے، بچوں کی نشوونما اور موسمیاتی تبدیلیوں جیسے چیلنجز سے نمٹنے میں مدد فراہم کرے گا۔

وفاقی وزیر خزانہ محمد اورنگزیب نے اس بات پر بھی زور دیا کہ یہ فریم ورک پاکستان کی ترقی کے لیے ایک سنگ میل ثابت ہوگا۔