راولپنڈی کے شہریوں کے لیے ایک اہم ترقی کا آغاز ہونے جا رہا ہے، کیونکہ حکومت پنجاب نے شہر میں 102 الیکٹرک بسیں چلانے کا فیصلہ کیا ہے۔

اس منصوبے کے تحت 84 کلومیٹر کے علاقے میں الیکٹرک بسوں کی سروس فراہم کی جائے گی، جس کی مالیت 7 ارب روپے سے زائد ہے۔

ذرائع کے مطابق، اس پروجیکٹ کے لیے حکومت پنجاب نے 4.7 بلین روپے کی رقم جاری کر دی ہے، اور تجویز کردہ پبلک ٹرانسپورٹ روٹس کی تعداد 10 ہوگی۔

الیکٹرک بسوں کی سروس فضائی آلودگی کو کم کرنے اور شہریوں کو بہتر سفری سہولتیں فراہم کرنے میں اہم کردار ادا کرے گی۔

یہ منصوبہ نہ صرف ماحول کی بہتری کے لیے فائدہ مند ثابت ہوگا بلکہ راولپنڈی کے شہریوں کو جدید اور آرام دہ پبلک ٹرانسپورٹ کی سہولت بھی فراہم کرے گا۔