لاہورہائیکورٹ کا ایس ایچ او اور انچارج انویسٹی گیشن کیخلاف مقدمہ درج کرنےکا حکم

عبدالرحمان

12th Dec, 2024. 11:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہورہائیکورٹ کا ایس ایچ او اور انچارج انویسٹی گیشن کیخلاف مقدمہ درج کرنےکا حکم

لاہورہائیکورٹ میں دوسگے بھائیوں کوآٹھ روزحبس بے جا میں رکھنے کےخلاف کیس کی سماعت کے دوران عدالت نے ایس ایچ او نشتر کالونی اورانچارج انویسٹی گیشن کےخلاف مقدمہ درج کرنے کا حکم دے دیا۔

عدالت نے ایس پی انویسٹی گیشن ماڈل ٹاؤن کےخلاف بھی تحقیقات کا حکم دے دیا، جسٹس محمد وحید خان نے شہری کی درخواست پر سماعت کی، الیاس ریاض اورشہبازاحمد کو بیلف کے ذریعے بازیاب کرواکرعدالت پیش کیا گیا۔

بیلف نےعدالت میں رپورٹ جمع کراتے ہوئےدونوں شہریوں کو حبس بیجا میں رکھنے کی تصدیق کردی جس کے بعد عدالت نے بازہاب کرائے گئے دونوں بھائیوں کو جانے کی اجازت دے دی۔

وکیل سیدعلی حسین بخاری نے مؤقف اپنایا کہ پولیس نےغیرقانونی طور پر 8 دن بند رکھا، عدالت شہریوں کو رہا کرنے اورپولیس افسروں کے خلاف کارروائی کا حکم دے۔