آرٹیکلز
-
منڈی بہاؤالدین؛ آتش گیر موادپھٹنے سے 6 افراد جاں بحق، 7 زخمی
-
پاکستان غزہ جنگ بندی معاہدے پر عمل درآمد کیلئے واضح موقف پیش کرے گا، دفترخارجہ
-
مشرف علی زیدی عالمی میڈیا کےلئے ترجمان وزیراعظم مقرر، عطا اللہ تارڑ کی تصدیق ، نو ٹیفکیشن جاری
-
پنجاب اسمبلی کا 34 واں اجلاس کل شروع ہوگا، اہم بلز اور حکومتی امور پر بحث متوقع
Advertisement
منڈی بہاؤالدین؛ آتش گیر موادپھٹنے سے 6 افراد جاں بحق، 7 زخمی
منڈی بہاؤالدین میں مکان میں آتش گیرمادہ پھٹنےسے بچے اور خواتین سمیت چھ افراد جاں بحق ہوگئے۔
منڈی بہاوالدین کےعلاقے کوٹ پھولے شاہ میں افسوسناک واقعہ پیش آیا ہے جہاں آتش بازی کے بارود میں آگ لگنے کے باعث زوردار دھماکہ ہوا۔ دھماکہ کے نتیجے میں ایک مکان کی چھت گرگئی، جس کے ملبے تلے دب کر 6 افراد جاں بحق اور 7 زخمی ہو گئے۔
ریسکیو 1122 کے مطابق ابتدائی تحقیقات میں شارٹ سرکٹ کو آگ لگنے کی ممکنہ وجہ قراردیا جا رہا ہے۔ دھماکہ اس قدر شدید تھا کہ مکان مکمل طور پر منہدم ہو گیا۔ جاں بحق ہونے والوں میں 1 سالہ بچی پاکیزہ، 6 سالہ ثاقب، 35 سالہ سمیرا، 32 سالہ عمران، 25 سالہ فرحان اور30 سالہ رمشہ شامل ہیں۔
زخمی ہونے والوں میں عاصم، رضوان، کامران، موسیٰ، ہاشم، اور عائشہ شامل ہیں، جنہیں فوری طور پر سرکاری اسپتال پھالیہ منتقل کیا گیا۔ ڈاکٹروں کے مطابق زخمیوں میں سے بعض کی حالت تشویش ناک ہے۔
پولیس اور ریسکیو ٹیموں نے موقع پر پہنچ کر امدادی کارروائیاں مکمل کیں اورجائے حادثہ سے شواہد اکٹھے کیے۔ پولیس تھانہ پاہٹریانوالی کے ایس ایچ او محمد اکرم ہنجن کے مطابق دھماکے کی وجوہات معلوم کرنے کے لیے مزید تحقیقات جاری ہیں۔
Advertisement
واقعہ کے بعد علاقے میں سوگ کی فضا چھا گئی ہے۔ مقامی افراد نے حکومت سے متاثرہ خاندانوں کے لیے فوری امداد کی اپیل کی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
