ایک ایسے نوعمر بھارتی لڑکے کی ویڈیو سوشل میڈیا پر تیزی سے وائرل ہورہی ہے، جس نے عقل و دانائی میں بڑے بڑوں کو پچھاڑ دیا ہے، اور گودی میڈیا کے صحافی کو دم دبا کر بھاگنے پر مجبور کردیا ہے۔

وائرل ویڈیو میں دیکھا جاسکتا ہے کہ گودی میڈیا کا صحافی نوعمر لڑکے کو پاکستان کے خلاف بیان دینے پر مجبور کر رہا ہے، لیکن لڑکے نے اپنے بے ساختہ جوابات سے صحافی کو راہ فرار اختیار کرنے پر مجبور کردیا ہے۔

مودی کے خلاف تنقیدی آوازیں اٹھنا شروع، بھارتی تجزیہ کار نے مودی سرکار کو آئینہ دکھا دیا

بھارتی صحافی نے پاکستان کا دفاع کرنے والے لڑکے سے پوچھا کہ آپ کا نام کیا ہے اور آپ کا تعلق کہاں سے ہے؟

لڑکے نے جواب دیتے ہوئے کہا ’میرا نام محمد کیف ہے اور میں بہار سے ہوں’، صحافی نے لڑکے سے کہا کہ ’آپ کو تھوڑی سی بھی شرم نہیں آ رہی کہ بھارت میں رہتے ہوئے آپ پاکستان کا دفاع کر رہے ہو؟‘

لڑکے نے بھارتی صحافی کو جواب میں کہا ’ نہیں، مجھے شرم نہیں آرہی اور آپ جو یہ خبر بنا رہے ہو تو آپ کو شرم نہیں آرہی کہ کیا خبر بنا رہے ہو؟ ہندو اور مسلمانوں کے بارے میں جھوٹی خبریں بنا کر پھیلا رہے ہو اور مجھے یہ بتاؤ کے اس معاملے میں بھارت کا دفاع کیوں کرنا ہے؟‘

لڑکے نے مزید کہا کہ ‘پاکستان میں بھی ہندو اور مسلمان دونوں رہتے ہیں تو پھر کیوں ختم کرنا ہے؟‘

لڑکے نے مزید کہا ’سب انسان ہیں، سب کو زندگی جینے کا پورا حق ہے اور میں اس معاملے میں پاکستان کا دفاع کرتا ہوں‘۔