بھارت کو گھٹنے ٹیکنے پرمجبورکرنے کی اصل وجہ پاکستان کی سائبر ٹیکنالوجی  میں برتری ہے  جس کے ذریعے پاکستان نے بھارت کے ایئر ریڈار اور ڈیفنس سسٹم جام کرکے اہداف کو کامیابی سے نشانہ بنایا۔

دراصل یہی  وہ اہم ہتھیار ہیں جس نے بھارت ہی نہیں پوری دنیا پر پاکستان کی دھاگ بٹھا دی ہے اور یہ سوال ہورہاہے کہ پاکستان کے پاس سائبر ٹیکنالوجی کہاں سے آئی ؟۔

بعض عالمی طاقتین بھی پاک بھارت کشیدگی میں پاکستان کی جانب سے سائبر ٹیکنالوجی کا موثر استعمال  دیکھ کر حیران رہ گئیں۔

اس بات کا برملا اظہارکیا جارہاہے جنگی صورتحال میں پاکستان نے سائبر ٹیکنالوجی کابہترین طریقے سے  استعمال کیا۔

سائبر ٹیکنالوجی کے ذریعے ہی بھارت کے ریڈار اور بعض میزائل سسٹم کوجام کیاگیاتھا۔یہ وار فیئر کا ایک نیا طریقہ کارہے جس کا موثر استعمال بھرپورطریقے سے کیاگیا ۔

دستیاب ٹیکالوجی کا فی الحال محدود استعمال کیا،ڈی جی آئی ایس پی آرکی بھارت کووارننگ

پاکستان کے پاس دستیاب ٹینکالوجی کامحدوداستعمال کرکے بھارتی عسکری اہداف کوبھاری نقصان پہنچایا،یہ وہ الفاط ہیں جو اتوار کی شب ڈی جی آئی ایس پی آرنے بھارت کووارننگ دیتے ہوئے اداکیے تھے۔

ان کا کہنا تھا کہ پاک فوج  ذمے داری کے ساتھ اپنے اہداف کو نشانہ بنایا، پاکستان اپنی دستیاب ٹیکنالوجی کا استعمال کرکے کیا کچھ کرسکتاہے بھارت کےلئے  اس کا اندازہ لگاناآسان نہیں۔

انہوں نے کہاکہ اگر 84 ڈورنز گروانے سے بھارت کا دل نہیں بھرا تو ہم مزید بھی گرادیں گے ، پاکستان کے عوام اطمینان رکھیں ۔

سائبر ٹیکنالوجی نے ہی پاک فضائیہ کو بیک اپ فراہم کیا، ایئر وائس مارشل ارونگزیب احمد

پاک فضائیہ کے ایئر وائس مارشل اورنگزیب احمد نے کہا کہ پاکستان کے پاس ایسی  اسپیس اینڈ سائبرٹیکنالوجی موجود ہے جو ہم اپنے دفاع میں اچھے طریقے  استعمال کرسکتے ہیں۔

ان کا کہنا تھا کہ یہ دنیامیں وار فیئر کا ایک نیا طریقہ ہے۔