6 کے مقابلے میں زیرو! پاک فضائیہ کے ایئر وائس مارشل اورنگزیب احمد جو پاک بھارت حالیہ کشیدگی میں پاک فضائیہ اور افواج پاکستان کی موثر آواز بن کر ابھرے،تیزی سے سوشل میڈیا پرچھاگئے۔

ہم ایک مکمل پیشہ ورفوج ہیں، 6 کے بجائے دشمن کے 10 جہاز گراسکتے تھے مگراپنی جانب سے اچھا پیغام دینے کی کوشش کی، یہ بات ایئروائس مارشل اورنگزیب احمد نے اتوارکو ڈی جی آئی ایس پی آرکیساتھ بریفنگ میں کہی تھی۔

ایئر وائس مارشل اورنگزیب احمد کا ہرسوال پرموثر اور مدلل جواب عکاسی کرتاہے کہ پاک فوج کی تربیت اعلیٰ عسکری بنیادوں پرہوئی ہے۔

 بائیو گرافی

ایئر وائس مارشل اورنگزیب احمد نے دسمبر 1992 میں پاک فضائیہ  کے جی ڈی (پی) برانچ میں کمیشن حاصل کیا تھا،وہ نے فائٹراسکواڈرن اورایک آپریشنل ایئربیس کی کمانڈ کرچکے۔

وہ ایئرہیڈکوارٹر اسلام آباد میں اسسٹنٹ چیف آف ایئراسٹاف کے طور پربھی خدمات انجام دے چکے ہیں۔

چین سے ملٹری آرٹس میں ماسٹرز کی ڈگری اورنیشنل ڈیفنس یونیورسٹی اسلام آباد سے نیشنل سیکیورٹی اینڈ وار اسٹڈیز میں ماسٹرز کی ڈگری لی۔

ایئر وائس مارشل اورنگزیب احمد نیشنل ڈیفنس یونیورسٹی اسلام آباد میں ڈائریکٹنگ اسٹاف اور فیکلٹی ممبر خدمات انجام دے چکے ہیں۔

 سعودی عرب میں پاکستان ایروناٹیکل کمپلیکس ٹیم کے کمانڈر بھی خدمات انجام دی ہیں۔

ڈی جی پی آر ایئر فورس اور ڈی جی وارفیئر اینڈ سٹریٹیجی کے طور پر بھی کام کر چکے۔

اِس وقت ایئر ہیڈکوارٹر میں ڈپٹی چیف آف ایئراسٹاف (آپریشنز) کے طور پرخدمات سرانجام دے رہے ہیں،انہیں ستارہ امتیاز(ملٹری) سے بھی نوازاجاچکاہے۔

نوجوانوں کی ڈی پیز اور اسٹیٹس پر پاک فضائیہ کی ویڈیوزاورتصاویر

ایئر وائس مارشل اورنگزیب احمد کی موثر اور مدلل پریس کانفرنسز نے نوجوانوں میں قومی جزبہ مزید ابھار دیا ہے۔

نوجوان اپنی وٹس اپ ڈی پیز اور اسٹیٹس پر پاک فضائیہ کی ویڈیوز و تصاویر لگارہے ہیں جبکہ  اورنگزیب احمد کو ایک  قومی ہیرو کے طور پرسمجھاجارہاہے ۔