اداکارہ نصرت فریحہ کو ڈھاکہ ایئرپورٹ سے گرفتار کرلیا گیا۔  انہیں ایک طالب علم کے قتل کی مبینہ کوشش کے مقدمے میں گرفتار کیاگیاہے ۔

یہ مقدمہ جولائی 2024 میں حکومت مخالف مظاہروں کے دوران بنایاگیاتھا۔  وٹارا پولیس کاکہناہے کہ بنگلہ دیشی اداکارہ سمیت  17 فنکاروں پر ایک طالب علم پر حملے کا الزام ہے۔

امیگریشن پولیس کی ٹیم نے ڈھاکہ ہوائی اڈے پرکارروائی کرتے ہوئے گرفتارکیا۔ اداکارہ کو اُس وقت گرفتار کیا گیا جب وہ تھائی لینڈ روانہ ہونے والی تھیں۔

ادکارہ نصرت فریحہ کے کیریئر پرایک نظر

عدالت نے حال ہی میں اس مقدمے کو قابل سماعت قرار دیاہے ۔  جس کے بعد اداکارہ نصرت فریحہ کو باقاعدہ ملزم کے طور پر نامزد کیا تھا۔

اداکارہ نصرت فریحہ نے اپنے فلمی کیریئر کا آغاز 2015 میں  فلم عاشقی سے کیا تھا۔ جو باکس آفس پر کامیاب رہی۔

بعد ازاں انہوں نے کئی مقبول فلموں میں اداکاری کی۔  جن میں “ہیرو 420″، “بادشاہ: دی ڈان”, “پریمی او پریمی” اور “باس 2: بیک ٹو رول” شامل ہیں۔

ان کاتاریخی کردار 2023 میں ریلیز ہونے والی فلم “مُجیب:دی میکنگ آف اے نیشن“ تھا۔  جس میں انہوں نے وزیر اعظم شیخ حسینہ کا کردار نبھایا۔

یہ فلم شیخ مجیب الرحمٰن کی زندگی پر مبنی تھی۔  فلم کی ہدایت کاری مشہوربھارتی ہدایتکار شیام بینیگل نے کی تھی۔ مرکزی کردار عارفین شُوو نے ادا کیا۔

اداکارہ نصرت فریحہ نے اس کردار کو اپنی زندگی کا سب سے بڑا اعزاز قرار دیا تھا۔

انہوں کاکہناتھاکہ شیخ حسینہ کا کردار ادا کرنے پرخود کوخوش قسمت ترین لڑکی سمجھتی ہوں۔  یہ کردار میرے کیریئر کی معراج ہے۔

 گرفتاری پر بھارتیوں کی الگ ہی منطق

واضح رہے کہ یہ گرفتاری سیاسی کشیدگی میں شوبز شخصیات کے ممکنہ کردارکی نشاندہی ہے۔

مزید یہ کہ اس حوالے سے  تحقیقات جاری ہیں ۔ مقدمے کے تمام پہلوؤں کا جائزہ لیا جا رہا ہے۔

تاہم فوری طور پر اس معاملے کو بنگلہ دیشی سیاست سے جوڑنابھی مناسب نہیں ہوگا۔

علاوہ ازیں بھارت میں اس معاملے کو منفی انداز میں پیش کیاجارہاہے۔ بعض بھارتیوں کا مانناہے کہ شیخ حسینہ واجد کا کردار ادا کرنے پراداکارہ کوگرفتارکیاگیا۔