انٹرنیٹ ایک جانب پوری دنیا کے درمیان روابط کو آسان بنا رہا ہے اور دنیا کو گلوبل ویلیج میں تبدیل کرچکا ہے تو وہی دوسری جانب یہ ماحولیات پر بھی سنگین اثرات مرتب کر رہا ہے۔

جب ہم صبح موبائل اٹھاتے ہیں یا لنچ کال جوائن کرتے ہیں، تو ہم صرف ذہنی توانائی نہیں بلکہ بجلی کا استعمال بھی کرتے ہیں۔

مزید پڑھیں: 2030 تک ڈیجیٹل لٹریسی پر منتقل ہو جائیں گے، وزیر تعلیم پنجاب

بجلی انٹرنیٹ کے بنیادی ڈھانچے، ڈیٹا سنٹرز، سیل ٹاورز اور آلات میں صرف ہوتی ہے، امریکہ میں 2024میں 1,240 سے زائد ڈیٹا سنٹرز کی منصوبہ بندی ہو چکی ہے، جو روزانہ لاکھوں گیلن پانی، اہم مقدار میں بجلی اور ہوا میں آلودگی پیدا کر رہے ہیں۔

یہ تمام اخراجات سالانہ تقریباً 5.7سے 9.2 ارب ڈالر کے صحت عامہ کے مسائل کا باعث بنتے ہیں۔

مزید پڑھیں: اس ڈیجیٹل دور میں تنہائی کے احساس کو کیسے کم کریں؟

AI  ماڈلز کی تیزی سے بڑھتی مانگ کے باعث بجلی کی کھپت 2030 تک پولینڈ کی مجموعی ضروریات کے برابر بڑھنے کا خطرہ درپیش ہے، جس سے عالمی طور پر گلوبل ہاؤس گیسز (GHG) میں اضافے کا امکان ہے ۔

ڈیٹا سنٹرز سرد رکھنے کے لیے استعمال ہونے والا پانی 2027 تک 4.2–6.6 بلین مکعب میٹر تک پہنچ سکتا ہے، یہ تقریبا برطانیہ کے سالانہ استعمال کے نصف کے برابر ہے، جس سے خشک علاقوں میں پانی کا بحران مزید سنگین ہوسکتا ہے۔

مزید پڑھیں: وزیر خزانہ کا ڈیجیٹل اثاثوں کے لیے مؤثر اور شفاف فریم ورک بنانے پر زور

AI ڈیٹا سنٹرز عام ڈیٹا سنٹرز سے 20سے 100 گنا زیادہ توانائی استعمال کرتے ہیں، جس سے کاربن ڈائی آکسائیڈ کے اخراج میں اضافہ ہوتا ہے اور پانی کی کھپت بڑھتی ہے۔

ایک GPT-3 ماڈل کی ٹریننگ میں تقریباً 7 لاکھ  لیٹر پانی استعمال ہوتا ہے، امریکہ میں 2028 تک مرکزی ڈیٹا سنٹرز بجلی کے استعمال میں 90%  کے شراکت بن سکتے ہیں۔

مزید پڑھیں: اسلام آباد، 5 جی ٹیکنالوجی پر ریگولیٹری ماسٹرکلاس کی افتتاحی تقریب سے احسن اقبال کا خطاب

وہاں سے ہونے والے فضائی آلودگی کے اخراجات بھی عوامی صحت پر لاکھوں ڈالر کا بوجھ لا رہے ہیں ۔

حل

انٹرنیٹ کی دنیا کے مضر اثرات کو روکنے کے لیے WUE جیسے معیارات کی پابندی کرانی ہوگی، نقصانات کی ماحولیاتی رپورٹنگ لازمی ہونی چاہیے، امریکی اور یورپی مشیرابھی اس پر بات کر رہے ہیں۔

مزید پڑھیں: انفارمیشن ٹیکنالوجی کے معروف سرمایہ کاروں کا پاکستان کیلئے 700 ملین ڈالر کی سرمایہ کاری کا اعلان

ڈیٹا سنٹرز کئی ملکوں میں فوسل فیول سے پاک توانائی پر منتقل ہو رہے ہیں، جیسا کہ میٹا کا نیو میکسیکو میں Geothermal منصوبہ اور گوگل کا سمندر کے پانی سے کولنگ کا منصوبہ۔

انٹرنیٹ اور AI ٹیکنالوجی کی بڑھتی ہوئی آبادی کے ساتھ، ماحولیاتی اثرات صرف نظرانداز نہیں کیے جاسکتے۔

ہمیں توانائی و پانی کے استعمال میں احتیاط، شفافیت، اور ماحولیاتی ضوابط کو اپنانا ہوگا تاکہ ڈیجیٹل ترقی کے ساتھ زمین کی صحت بھی محفوظ رہے۔