ایرانی پارلیمنٹ کی جانب سے آبنائے ہرمز کو بند کرنے کی منظوری کے بعد امریکی وزیر خارجہ مارکو روبیو نے چین سے مطالبہ کیا ہے کہ وہ ایران کو ہرمز کی آبپارہ بند کرنے سے روکے، جو دنیا کے سب سے اہم شپنگ راستوں میں سے ایک ہے۔

روبیو کی یہ درخواست ایران کی سرکاری خبر رساں ایجنسی پریس ٹی وی کی رپورٹ کے بعد آئی ہے، جس میں یہ کہا گیا تھا کہ ایرانی پارلیمنٹ نے ہرمز کی آبپارہ بند کرنے کے لیے منصوبہ منظور کیا ہے، تاہم حتمی فیصلہ سپریم نیشنل سیکیورٹی کونسل کے ساتھ ہوگا۔

برطانوی خبر رساں ادارے کی خبر کے مطابق اگر ایران ہرمز کی آبپارہ کو بند کرتا ہے، تو اس کے عالمی معیشت پر گہرے اثرات مرتب ہوں گے، خاص طور پر چین پر جو ایران کے تیل کا سب سے بڑا خریدار ہے اور تہران کے ساتھ اس کے تعلقات انتہائی قریبی ہیں۔

امریکی وزیر خارجہ مارکو روبیو نے امریکی میڈیا سے گفتگو کرتے ہوئے کہا کہ میں بیجنگ کی حکومت کو اس معاملے پر ایران سے بات کرنے کی ترغیب دیتا ہوں کیونکہ وہ اپنے تیل کے لیے ہرمز کی آبپارہ پر بہت زیادہ انحصار کرتے ہیں۔

مزید پڑھیں: ایرانی پارلیمان نے آبنائے ہرمز کو بند کرنے کی منظوری دے دی

روبیو نے مزید کہا کہ اگر ایران آبنائے ہرمز کو بند کرتے ہیں، تو یہ ان کے لیے معاشی خودکشی ہوگی۔ ہم اس صورتحال کا مقابلہ کرنے کے لیے آپشنز رکھتے ہیں، لیکن دیگر ممالک کو بھی اس پر غور کرنا چاہیے کیونکہ یہ دوسرے ممالک کی معیشتوں کو ہماری معیشت سے کہیں زیادہ نقصان پہنچائے گا۔

واضح رہے کہ آبنائے ہرمز کے ذریعے دنیا کے 20 فیصد تیل کی سپلائی گزرتی ہے، اور مشرق وسطیٰ کے بڑے تیل و گیس پیدا کرنے والے ممالک اس آبی راستے کو توانائی کی ترسیل کے لیے استعمال کرتے ہیں۔ اگر اس راستے میں کسی قسم کی رکاوٹ آئی، تو عالمی تیل کی قیمتوں میں بے تحاشہ اضافہ ہو سکتا ہے۔

اتوار کو ایران پر امریکی حملے کے بعد تیل کی قیمتوں میں اضافہ دیکھا گیا، اور برینٹ کراؤڈ تیل کی قیمت پانچ ماہ کی بلند ترین سطح پر پہنچ گئی۔ پیر کو تیل کی قیمتوں میں ابتدائی طور پر اضافہ ہوا، جس کے بعد برینٹ کی قیمت 81.40 ڈالر فی بیرل تک پہنچ گئی، لیکن پھر وہ 78 ڈالر تک گر گئی، جو دن کے دوران 1.4 فیصد اضافہ تھا۔