ورلڈ ٹیسٹ چیمپئن شپ کے سنسنی خیز فائنل میں جنوبی افریقہ نے شاندار کارکردگی کا مظاہرہ کرتے ہوئے آسٹریلیا کو 5 وکٹوں سے شکست دے کر تاریخ رقم کر دی ہے۔

اس تاریخی کامیابی کے ساتھ جنوبی افریقہ نے پہلی بار چیمپئن شپ کا تاج اپنے سر سجا لیا، اس سے قبل یہ اعزاز آسٹریلیا اور نیوزی لینڈ ایک ایک بار حاصل کرچکے ہیں۔

میچ کے آخری دن جنوبی افریقی بیٹنگ لائن نے پُر اعتماد انداز میں ہدف کا تعاقب کیا، درمیانے اوورز میں کچھ وکٹیں گرنے کے باوجود بلے بازوں نے سنجیدہ اور مستحکم کھیل پیش کیا اور آسٹریلوی بولنگ اٹیک کو مؤثر طریقے سے جواب دیا۔

جنوبی افریقہ کی فتح میں اہم کردار بلے بازوں کی سمجھداری، نپی تلی بولنگ اور فیلڈنگ نے ادا کیا۔ فتح کے بعد شائقین کرکٹ نے جنوبی افریقی ٹیم کو خوب سراہا، جبکہ سوشل میڈیا پر بھی اس جیت پر ٹیم کو بھرپور مبارکبادیں دی جا رہی ہیں۔

یہ میچ نہ صرف جنوبی افریقہ کی کرکٹ تاریخ کا یادگار لمحہ بن گیا بلکہ عالمی سطح پر بھی ان کی مضبوط موجودگی کا ثبوت بن کر سامنے آیا۔

مزید پڑھیں: گال ٹیسٹ، پاکستانی ٹیم نے پلئینگ الیون کا اعلان کردیا

آسٹریلیانے  پہلی اننگز میں 212 اور دوسری اننگز میں 207 رنز بنائے، جس کے جواب میں جنوبی افریقہ نے  پہلی اننگز میں 138 اور دوسری اننگز میں 213 رنز بنا کر دفائی چیمپیئن آسٹریلیا کو شکست سے دوچار کیا۔

آیڈن مارکرام ناٹ آؤٹ136 رنز  بنا کر نمایاں رہے، جبکہ ٹیمبا باومانے ناٹ آؤٹ 65 رنز کی اننگ کھیلی۔

آسٹریلیا کی جانب سے مچل اسٹارک58 رنزبنا کر نمایاں رہے، جبکہ پیٹ کمنز نے 3 اور جوش ہیزل نے 2وکٹیں حاصل کیں۔

آسٹریلیا نے پہلی اننگز میں 212 رنز بنائے، جس کے جواب میں جنوبی افریقہ صرف 138 رنز پر ڈھیر ہو گئی۔ دوسری اننگز میں، آسٹریلیا نے 207 رنز بنائے، جس کے بعد جنوبی افریقہ کو 282 رنز کا ہدف ملا۔

جنوبی افریقہ نے اس ہدف کو 5 وکٹوں کے نقصان پر حاصل کیا، جس میں مارکرام کی 136 رنز کی شاندار اننگز اور باوما کی 65 رنز کی ناٹ آؤٹ اننگز شامل ہیں۔ یہ فتح جنوبی افریقہ کی کرکٹ تاریخ کا ایک سنگ میل ہے، جس نے 1998 کے بعد پہلی بار آئی سی سی ٹرافی جیتی ہے۔

اس میچ میں آسٹریلیا کی جانب سے اسٹارک نے 136 گیندوں پر 58* رنز بنائے، جبکہ ہیزل ووڈ اور کمنز نے بالترتیب 2 اور 3 وکٹیں حاصل کیں۔