ایران پر حملے کے بعد امریکی صدر ڈونلڈ ٹرمپ کو امریکا کے اندر سے شدید ردعمل کا سامنا کرنا پڑ رہا ہے، ایک جانب امریکی عوام احتجاج کر رہی ہے تو دوسری جانب امریکی کانگریس کے اراکین بھی ٹرمپ کے مواخذے کی بات کر رہے ہیں۔

اس تازہ ترین صورتحال نے صدر ٹرمپ کو مشکل میں ڈال دیا ہے اور وہ اپنے عوام کو مطمئن کرنے کے لیے وضاحتیں دینے پر مجبور ہوگئے ہیں۔

اپنے تازہ ترین بیان میں امریکی صدر نے ایران پر حملے کا دفاع کرتے ہوئے کہا ہے کہ ایران کی جوہری تنصیبات کو سب سے بڑا نقصان زمین کی سطح سے کہیں نیچے، زیرِ زمین حصوں میں پہنچا ہے۔

انہوں نے سماجی رابطے کے اپنے پلیٹ فارم ٹروتھ سوشل پیغام پر لکھا کہ ہم نے کل رات ایک شاندار فوجی کامیابی حاصل کی، ان سے ‘بم’ چھین لیا، اگر وہ اسے حاصل کرلیتے تو ضرور استعمال کرتے۔

ڈونلڈ ٹرمپ نے یہ بیان ریپبلکن رکن کانگریس تھامس میسی کو تنقید کا نشانہ بناتے ہوئے دیا جنہوں نے اس حملے کی مذمت کرتے ہوئے کہا تھا کہ اس سے امریکا کو مشرق وسطیٰ میں ایک اور جنگ میں گھسیٹا جارہا ہے۔

امریکی صدر نے کہاکہ ایران ماضی میں ہزاروں امریکیوں کو قتل اور زخمی کر چکا ہے اور 1979 میں تہران میں امریکی سفارتخانے پر بھی قبضہ کر چکا ہے۔

قبل ازیں، نائب امریکی صدر جے ڈی وینس نے اپنےایک انٹرویو میں ایران پر حملے کا دفاع کرتے ہوئے کہا کہ میں سمجھتا ہوں کہ امریکی عوام پچھلے 25 سالوں سے بیرونی مداخلتوں سے تھک چکے اور فکرمند ہیں۔ لیکن فرق یہ ہے کہ اُس وقت نالائق صدور تھے، اب ایسا صدر ہے جو قومی سلامتی کے اہداف حاصل کرنا جانتا ہے۔

امریکی نائب صدر وینس:

▪️ میں سمجھتا ہوں کہ امریکی عوام پچھلے 25 سالوں سے بیرونی مداخلتوں سے تھک چکے اور فکرمند ہیں۔ لیکن فرق یہ ہے کہ اُس وقت نالائق صدور تھے، اب ایسا صدر ہے جو قومی سلامتی کے اہداف حاصل کرنا جانتا ہے۔

▪️ یہ کوئی طویل جنگ نہیں ہوگی۔ ہم اندر گئے، ان کا… pic.twitter.com/CAzZchsCcn

Advertisement

— RTEUrdu (@RTEUrdu) June 22, 2025

انھوں نے مزید کہا کہ یہ کوئی طویل جنگ نہیں ہوگی۔ ہم اندر گئے، ان کا نیوکلیئر پروگرام تباہ کیا۔ اب ہم اسے مستقل طور پر ختم کرنے کی کوشش کریں گے۔ صدر کی یہی کوشش ہے، اصول سادہ ہے: ایران کو ایٹمی ہتھیار حاصل نہیں کرنے دیے جائیں گے۔

ایران پر حملہ، امریکی سینیٹرز صدر ٹرمپ پر برس پڑے

Advertisement

امریکی رکن کانگریس نے ایران پر حملے کو آئین کی خلاف ورزی قرار دیتے ہوئے امریکی صدر ڈونلڈ ٹرمپ کے خلاف مواخذے کی بنیاد قرار دے دیا۔

ایکس پر جاری بیان میں امریکی خاتون رکن کانگریس  الیگزینڈریا اوکاسیوکورٹیز نے کہا کہ صدر ٹرمپ کا کانگریس کی منظوری کے بغیر ایران پر بمباری کا تباہ کن فیصلہ آئین اور کانگریس کے جنگی اختیارات کی سنگین خلاف ورزی ہے۔

مزید پڑھیں: امریکا کا ایران کی جوہری تنصیبات پر حملہ، جوہری مواد محفوظ، تابکاری کا خطرہ نہیں، ایران، نیتن کی ٹرمپ کو مبارکباد، ٹرمپ کی ایک بار پھر ایران کو وارننگ، عالمی رہنماؤں کی مذمت

ڈیموکریٹ رکن کانگریس کا کہنا تھا کہ  ٹرمپ نے جذبات میں آ کر ایک ایسی جنگ کا خطرہ مول لیا ہے جو ہمیں نسلوں تک الجھاسکتی ہے۔

Advertisement

الیگزینڈریا کا کہنا تھا کہ یہ مکمل طور پر اور واضح طور پر ٹرمپ کے خلاف مواخذے کی بنیاد ہے۔

’’ٹرمپ مسٹ گو‘‘ ایران پر حملوں کے بعد امریکا میں ہزاروں لوگ سڑکوں پر نکل آئے، استعفے کا مطالبہ 

گزشتہ روز سینتیاگو کیلیفورنیا میں ایران پر امریکی حملوں اور ٹرمپ کی پالیسیوں کے خلاف احتجاج کیا گیا، جس میں ہزاروں کی تعداد میں لوگ واٹرفرنٹ پارک میں جمع  ہوئے۔

مظاہرین ’’ٹرمپ مسٹ گو‘‘ کے نعرے لگا رہے تھے اور امریکی صدر سے استعفیٰ دینا کا مطالبہ کر رہے تھے۔