اقوام متحدہ کی غزہ میں الجزیرہ کے صحافیوں کے قتل کی مذمت، آزادانہ تحقیقات کا مطالبہ

ویب ڈیسک

12th Aug, 2025. 12:04 pm
شيئر

غزہ میں اسرائیلی حملے میں الجزیرہ کے صحافیوں کے قتل پر عالمی سطح پر شدید مذمت کا سلسلہ جاری ہے۔

اقوام متحدہ، یورپی یونین، چین اور حتیٰ کہ اسرائیل کے قریبی اتحادی جرمنی نے بھی اس واقعے کی سخت مذمت کی ہے۔

اقوام متحدہ کے سیکریٹری جنرل نے اسرائیل کے اس نشانہ بنا کر کیے گئے حملے کو غیر قانونی قرار دیتے ہوئے اسے بین الاقوامی انسانی قوانین کی سنگین خلاف ورزی قرار دیا اور مطالبہ کیا کہ اس معاملے کی آزاد اور غیر جانبدارانہ تحقیقات کی جائیں۔

عالمی صحافتی تنظیموں اور انسانی حقوق کے اداروں نے بھی اس واقعے کو آزادی صحافت اور انسانی جانوں کے تحفظ پر کھلا حملہ قرار دیا ہے۔

اختتام