گوادر : ایف آئی اے کمپوزٹ سرکل گوادر نے سمندر کے راستے ایران جانے کی کوشش ناکام بناتے ہوئے 17 افراد کو گرفتار کر لیا، جن میں ایک ایرانی شہری بھی شامل ہے۔
ترجمان ایف آئی اے کے مطابق گرفتار ملزمان کا تعلق پنجاب، خیبر پختونخوا اور سندھ کے مختلف علاقوں سے ہے، جن میں بونیر کے 5، ساہیوال کے 3، گوجرانوالہ کے 2، منڈی بہاءالدین کے 2، جبکہ وہاڑی، لاہور، لودھراں، گجرات اور کراچی سے ایک ایک ملزم شامل ہے۔
ایف آئی اے کے مطابق ملزمان کو جیوانی کے مقام پر گرفتار کیا گیا جب وہ غیر قانونی طور پر سمندر کے راستے پاکستان سے ایران جا رہے تھے۔ ابتدائی تفتیش میں انکشاف ہوا ہے کہ ملزمان ایران کے راستے دیگر ممالک میں داخل ہونا چاہتے تھے۔
ترجمان نے بتایا کہ ملزمان کے خلاف مقدمات درج کر کے تفتیش کا آغاز کر دیا گیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
