بابر اور رضوان کی واپسی کا کوئی امکان نہیں، سلمان آغا نے نئی حکمت عملی تیار کرلی

اسٹاف رپورٹر

08th Oct, 2025. 03:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بابر اور رضوان کی واپسی کا کوئی امکان نہیں، سلمان آغا نے نئی حکمت عملی تیار کرلی

لاہور: جنوبی افریقہ کے خلاف ٹی ٹوئنٹی سیریز سے قبل قومی کپتان سلمان علی آغا نے اپنی کارکردگی بہتر بنانے کے لیے نئی حکمتِ عملی تیار کرلی ہے۔

ذرائع کے مطابق ٹیم مینجمنٹ نے سابق کپتان بابر اعظم اور محمد رضوان کی ٹیم میں واپسی کے امکانات مسترد کر دیے ہیں۔

ذرائع کا کہنا ہے کہ سلمان علی آغا ہی ٹی ٹوئنٹی ٹیم کے کپتان برقرار رہیں گے، جب کہ بابر اعظم اور محمد رضوان کی شمولیت سے متعلق خبروں کو محض افواہیں قرار دیا گیا ہے۔

ذرائع کے مطابق سلمان علی آغا نے فیصلہ کیا ہے کہ وہ جنوبی افریقہ کے خلاف سیریز میں بیٹنگ آرڈر تبدیل کریں گے اور نمبر تین پر بیٹنگ کریں گے۔

آغا ایشیا کپ کے دوران مختلف پوزیشنز پر بیٹنگ کرتے رہے تھے تاہم اب وہ اپنے بیٹنگ اسٹائل میں تسلسل لانے کے خواہاں ہیں۔

مزید بتایا گیا ہے کہ سلمان علی آغا جنوبی افریقہ کے خلاف سیریز میں بطور آل راؤنڈر بھی میدان میں اتریں گے اور ٹیم کے لیے باؤلنگ کے شعبے میں بھی کردار ادا کریں گے۔

ذرائع کے مطابق ٹیم مینجمنٹ کا ماننا ہے کہ کپتان کا یہ فیصلہ ٹیم کے توازن اور مجموعی کارکردگی میں بہتری لا سکتا ہے۔