دبئی : ون ڈے رینکنگ میں افغان اسپنر راشد خان نے دنیا کے نمبر ون بولر کا مقام حاصل کرلیا جبکہ کوئی بھی پاکستانی بولر ٹاپ 10 میں جگہ نہ بنا سکا۔
آئی سی سی کی جانب سے جاری کردہ تازہ ترین ون ڈے رینکنگ میں افغانستان کے اسٹار اسپنر راشد خان نے دنیا کے نمبر ون بولر کا مقام حاصل کرلیا، جبکہ کوئی بھی پاکستانی بولر ٹاپ 10 میں جگہ نہ بنا سکا۔
پاکستانی فاسٹ بولر شاہین شاہ آفریدی 15ویں اور حارث رؤف 29ویں نمبر پر پہنچ گئے، جو گرین شرٹس کے لیے تشویشناک تنزلی ہے۔ دوسری جانب افغان کرکٹر ازمت اللہ عمرزئی نے آئی سی سی ون ڈے آل راؤنڈرز رینکنگ میں پہلی پوزیشن حاصل کرلی۔
بیٹنگ میں بھارت کے شبمن گل نے ون ڈے بیٹسمینوں کی فہرست میں نمبر ون پوزیشن سنبھال لی جبکہ پاکستان کے سابق کپتان بابراعظم ایک درجہ تنزلی کے بعد چوتھے نمبر پر آگئے۔ محمد رضوان 25ویں اور فخر زمان 27ویں نمبر پر ہیں۔
ٹیسٹ کرکٹ میں انگلینڈ کے جو روٹ بدستور سرفہرست ہیں، جبکہ پاکستان کے سعود شکیل 12ویں اور محمد رضوان 20ویں نمبر پر ہیں۔ ٹیسٹ بولرز میں جسپریت بمرا پہلے اور پاکستان کے نعمان علی چھٹے نمبر پر موجود ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
